一年冇劇拍份約未傾掂 麥包:對自己冇晒信心

Sat Nov 19 2016 21:00:31 GMT+0800 (中國標準時間)

撰文︰Take it e時

「食屎啦,梁非凡!」大家應該仲好記得呢句。當年麥包喺《巾幗梟雄之義海豪情》飾演嘅非凡哥令人津津樂道,真實不造作嘅演技更令佢奪得「最佳男配角」大獎。不過拎到獎係咪就等於星途一片光明?喺佢身上並唔係。

最近麥包接受其他傳媒訪問,指自己呢一年根本係冇劇拍,只係拍啲綜藝節目,加上劇集《親親我好媽》,男一原本係麥包,但又換上黃智賢,而自己連一個配角嘅角色都沒有,令佢都疑惑「係咪我做得唔好?做錯啲咩?自己係咪已經冇晒價值?」喺無綫29年嘅佢,又因為份合約仲未傾好,但今個月就約滿,究竟之後條路點行?麥包只好答「我都好傍惶,都唔知點,不過我唔怕重新嚟過,如果呢到冇機會,就去出面試下。」

▲當年非凡哥一角,令佢奪得「最佳男配角」大獎,事業上到高峰。

▲不過星途唔係一片光明,好似今年咁,佢就冇劇拍,搞到自己好迷失。

▲被換角加埋冇劇拍,麥包指自己冇晒信心,更加搵唔到自己價值。

其實麥包嘅劇一直陪住大家成長,當中都飾演咗唔少深入民心嘅角色,如果佢離開無綫,都係大台嘅一個損失,你又覺得係唔係?

▲當年《西遊記》,麥包飾演沙僧,表情夠晒傳神。

▲《耀舞長安》嘅男版鐘無艷喬步龍,都係經典。

圖片:《巾幗梟雄之義海豪情》、《耀舞長安》、《西遊記》劇照
麥包微博


#一年#冇劇拍#份約#未傾掂#麥包#對自己#冇晒#信心#e分鐘

相關文章
文青女神扮惡霸band友 袁澧林拍錫戲唔理男友
新年要放肆狂食? 周秀娜素顏陪住你健身
送名錶做生日禮物 馬國明同黃心穎撻着一年?
被網民批評成日講肥姐 欣宜:我覺得孝順係冇錯
封面故事|大坑 十一年秘店隱世再開

推介文章
放蛇試明星麵 麥包小儀慘敗 牛雜妹完勝
包無投訴 粉紅餐廳
彈弓吊索健身 蘇慧恩飛天收腰
【余此好味】富貴滋補 葱油涼拌蟲草花
【跟住爸爸食麻神】台灣過江龍麻神 開門七件事
祖藍大讚神秘女歌手 原來係杜麗莎大女
【跟住爸爸食麻神】黃浩教路食乜最好
皮膚又痕又乾 中醫教食無花果
燈影蓮藕 伴香煎北海道帶子皇
新咪神黃文意 VR健身練馬甲線
黃金組合 林盛斌 謝英偉
【倫敦燈光節】全城地標大變身
按此閱讀臉書精彩內容

熱爆e+up


載入中…
x