一日播黎耀祥三套劇 網民:佢真係咁好睇咩?

Wed Jan 11 2017 08:40:23 GMT+0800 (中國標準時間)

撰文︰Take it e時

有啲嘢,原來睇得多真係會厭,講緊嘅係黎耀祥呀。最近有TVB劇迷留意到,視帝祥(黎耀祥)老是常出現,除咗非本地製作同埋中午重播時段,曝光率真係由朝早去到夜晚,難怪呢位劇迷留言:「一次過推晒佢D劇出嚟,黎耀祥真係咁好睇咩?」

▲日日都見祥仔,好在唔係爛GAG祥。

▲多情自古空餘恨~此恨綿綿無絕期 !

黎耀祥嘅曝光率有幾密?嗱,首先係朝早十點重播黎耀祥「經典之作」《西遊記》第二輯,入面做豬八戒嘅角色真係深入民心,完全做出豬八戒嗰種好食懶非又無恥嘅形象,難度有網民話過豬八戒呢啲角色先係祥仔最拿手好戲。

▲做完《愛回家》繼續係《愛回家》。

中午時份可以停一停,因為夜晚有排你玩。嗱,大家都知道祥仔有份喺《愛回家之八時入席》出演,之前仲同毛舜筠嚟咗一個過百歲嘅「璧咚」㖭。不過《愛回家》就已經播完……暫時,依家先播另一套「倉底貨」嘅《財神駕到》過冷河,廢時俾人話《愛回家》之後又《愛回家》,但無奈呢套《財神駕到》邊個擔正?咪又係祥仔囉!

▲幾年前祥仔憑《巾幗梟雄》系列紅到發紫。

好喇,830嗰套《味想天開》由二線藝人擔正,祥仔呢啲視帝級當然唔關事,但之後嗰套被網民評為極度重口味兼世紀爛劇集嘅《巾幗梟雄之諜血長天》,呢個系列嘅男主角依然係祥仔,而編劇似乎怕你睇唔夠喉,仲搵祥仔一人分飾兩角,如果唔係睇開真係會俾佢搞亂,究竟邊個打邊個。

▲唔少人都鍾意視帝祥喺《生化壽屍》嘅演出。

其實祥仔當然知道呢個情況,佢都驚觀眾睇厭,不過網民都幫祥仔平反,話幾套劇都係倉底貨,係要清倉先至一次過播晒,唔關佢事嘅。其實網民對祥仔嘅演技都算正面,但始終都係鍾意佢演市井小人物多過呢啲奇怪角色,唔知之後祥仔會唔會有番多啲機會演呢類角色呢?


#黎耀祥#TVB#視帝祥#角色#重覆#TakeItE時#熱話

相關文章
岑詠辰羅泳嫻 試食明星冧爆肥牛店 發哥牛輸俾黎耀祥
超嘔心!曹永廉自爆為鄭嘉穎食屎
坐擁三架車 黎耀祥仔戴12萬金勞拍拖
黎耀祥自爆同阿Kay唱粵曲
處境劇無限Loop? 無綫擬開拍《愛‧回家之開心速遞》

推介文章
放蛇試明星麵 麥包小儀慘敗 牛雜妹完勝
包無投訴 粉紅餐廳
彈弓吊索健身 蘇慧恩飛天收腰
【余此好味】富貴滋補 葱油涼拌蟲草花
【跟住爸爸食麻神】台灣過江龍麻神 開門七件事
祖藍大讚神秘女歌手 原來係杜麗莎大女
【跟住爸爸食麻神】黃浩教路食乜最好
皮膚又痕又乾 中醫教食無花果
燈影蓮藕 伴香煎北海道帶子皇
新咪神黃文意 VR健身練馬甲線
黃金組合 林盛斌 謝英偉
【倫敦燈光節】全城地標大變身
按此閱讀臉書精彩內容

熱爆e+up


載入中…
x