不再是小朋友夢樂園? 網民:好掛住以前嘅老麥

Sun Apr 23 2017 20:44:54 GMT+0800 (中國標準時間)

撰文︰Take it e時

曾幾何時,麥當勞係每個小朋友眼中嘅夢樂園,有得去麥樂勞、食薯條、飲可樂,係一件好難得嘅事,可能要默書一百分或者好乖先有得去。最近有網友撰文,感嘆「依家嘅麥當勞已經唔係麥當勞」,認為依家嘅麥當勞冇晒以前特色之餘,更加走錯方向,由平民路線轉向中高檔路線,直指「由刪走左最後嗰三個飽開始(板燒雞腿包、足三両及至尊漢堡),註定又一個品牌時代嘅終結。」

▲正評反映認同感。

以前嘅麥當勞-小朋友夢樂園

文中形容,以前嘅麥當勞,最大特色係圍繞住麥當勞叔叔同佢班老友記。除此之外,周邊嘅設施亦好有麥當勞味道,例如麥當勞叔叔長櫈、蘋果批樹等等;又形容以前生日去麥當勞開生日會係指定動作。

嗰陣時喺嗰度開生日會,可以話係指定動作,叫埋成班同學一齊嚟,幾威威,認真你大哂!

▲麥當勞叔叔已經名存實亡。

▲全港只得返大埔有呢棵蘋果批樹。

麥當勞轉變期-新產品推出

但隨住時代變遷,麥當勞亦相繼推出唔同嘅新產品,例如新餐、新包、新嘅設施、新嘅服務。網友認為「時代變遷,城市發展」係正常事,「只要貼近食客、支持者嘅意願,口味去發展,就冇咩問題。」

老麥係做街坊街里生意,做男女老幼都會開心食到嘅生意,做我地(哋)呢d(啲)土生土長,食佢份親切感嘅香港人生意,唔係做中高檔啊

▲早前冇咗呢三款包,網民叫苦連天。

▲以前同依家相比,老麥有已經轉咗好多。

I’m loving it =>I’m not loving it anymore。

由環境變異、到人物角色不復見、加上麥當勞玩具愈出愈退步,依家嘅老麥變得愈嚟愈陌生,最終作者文末感嘆一句:「I’m not loving it anymore」。唔知你記憶中嘅麥當勞,同依家嘅麥當勞相比,又有幾大轉變?

▲幾十年老店嘅老麥都做唔住。

▲逝去感情如何留得住。

來源:lihkg

#麥當勞#老麥#特色#回憶#熱話

相關文章
點餐竟變單點計算 目擊者:職員同伯伯講冇餐叫
跟霓虹燈招牌說再見 30年樂富地標麥當勞今結業
「醫肚地標」陸續消失 再見裕民坊、樂富麥記
再見至尊板雞足三兩 麥當勞新包取唔取代到?
麥當勞停售三款包 忠粉崩潰:接受唔到以後冇得食

推介文章
最叻星二代 倫子譚曉風攬女示眾
活在當下 曹永廉
買靜安區5千萬豪宅 城城跟妻女移居上海
西關大少李家鼎 教你中式餐桌禮儀
5億買《壹週刊》玄機 黃浩寄語《壹》員工:不畏強權撐到底
尹光 三少爺的歌
做機防翻脹 苟芸慧明年嫁陸漢洋
【新加坡米芝蓮:一碟油雞 走出世界】
一人食 鹹蛋蒸肉餅
冒險時刻 C AllStar
星星美食旅客特別番外篇:東京遇上意大利(1)
我們的時光 Twins
按此閱讀臉書精彩內容

熱爆e+up


載入中…
x