不再沉默 林志玲發聲明向陳冠希反擊

Tue Aug 02 2016 19:52:08 GMT+0800 (中國標準時間)

撰文︰Take it e時

上個月27號,陳冠希無端端喺微博侮辱林志玲,及後先知原來件事係同其女友秦舒培被撤出大陸節目《我的新衣》有關。陳冠希有理冇理,依舊開火狙擊林志玲,相反林志玲選擇沉默是金,但見事件尚未解決,林志玲終於唔忍,透過公司團隊發聲明,仲以五點向陳冠希還擊!

▲兩頁聲明反駁陳冠希。

第一點:不清楚被罵原因

林志玲表示因為唔知被鬧原因,所以未有即時解畫,為此而道歉;

▲當日陳冠希鬧爆林志玲,林志玲一頭冒水。

第二點:唔知秦舒培曾被邀請

陳冠希發晒癲嘅原因,係為咗無故被飛出節目嘅女友討公道,而女友被撤出嘅茅頭直指就係林志玲,更流傳出「林志玲不讓你參加」嘅錄音。林志玲表示,節目組提供其他參與嘅嘉賓名單,當中冇包括秦舒培,因此從頭到尾都唔知秦舒培曾經受邀。

▲因為一個節目而令林志玲捲入呢場風波。

第三點:從未干涉嘉賓嘅選擇

陳冠希直指林志玲係令女友被撤出節目嘅原因,而林志玲則反駁與節目組嘅溝通,僅限於節目錄製形式、內容、時間等事項,未有干涉嘉賓出唔出席嘅權利。

▲陳冠希一口咬定係林志玲反對秦舒培參加。

第四點:閻柔怡並非林志玲參與《我的新衣》嘅經理人

話說陳冠希有聯絡林志玲經理人閻柔怡,但對方並非林志玲參與《我的新衣》嘅經理人,所以冇將呢件事話俾林志玲聽,聲明更表示佢哋嘅言論不能代表林志玲本人。

▲閻柔怡亦公開支持林志玲。

第五點:關於「紳士風度香」

陳冠希一度表示有林志玲把柄喺手,就係傳出「林志玲不讓你參加」嘅錄音,而講出呢番說話嘅人就係呢位「紳士風度香」。《我的新衣》方面指,對方並非節目工作人員,對方亦自首係誣衊對方,更希望對方可以大方指證點解要咁做。

▲對方已向林志玲道歉。

▲林志玲算IQ高㗎啦!

最後,林志玲補充一點,話陳冠希連日嘅言論嚴重影響林志玲聲譽,造成精神損害與經濟損失,要求陳冠希承擔相應法律責任,而林志玲方面保留法律追訴權。

圖片來源:微博

#林志玲#聲明#陳冠希#秦舒培#我的新衣#閻柔怡#紳士風度香#TakeItE時#即時

相關文章
超狼死!小S林志玲互片扯爛衫
變變變出新魅力 Cammi外貌進化過程
鬧林志玲「聞落似屎」 陳冠希:這XX好醜
【撞樣】當真‧林志玲遇上翻版林志玲 娛圈仲有邊對相似藝人?
F4四子15年的蛻變 周渝民榮升做老竇

推介文章
最叻星二代 倫子譚曉風攬女示眾
活在當下 曹永廉
買靜安區5千萬豪宅 城城跟妻女移居上海
西關大少李家鼎 教你中式餐桌禮儀
5億買《壹週刊》玄機 黃浩寄語《壹》員工:不畏強權撐到底
尹光 三少爺的歌
做機防翻脹 苟芸慧明年嫁陸漢洋
【新加坡米芝蓮:一碟油雞 走出世界】
一人食 鹹蛋蒸肉餅
冒險時刻 C AllStar
星星美食旅客特別番外篇:東京遇上意大利(1)
我們的時光 Twins
按此閱讀臉書精彩內容

熱爆e+up


載入中…
x