不滿迪士尼加同性戀情節 家長團體:兒童被潛移默化

Fri Mar 03 2017 14:45:13 GMT+0800 (中國標準時間)

撰文︰Take it e時

近年迪士尼偏愛將動畫翻版成真人版,嚟緊(16號)由「妙麗」擔正嘅《美女與野獸》就喺香港上畫,唔少人已經非常期待,但有香港家長團體卻不滿呢套電影,更聯署抗議迪士尼,呼籲大家唔好帶小朋友入去睇㖭。究竟發生咩事?之唔係因為迪士尼破天荒加插同性戀劇情囉。

▲導演改篇原著,加插同性戀情節喺加斯頓與來富呢個主僕關係。

導演比爾干頓(Bill Condon)將原著改篇,喺加斯頓(Luke Evans飾)與手下來富(Josh Gad飾)呢段主僕關係當中加插曖昧嘅同性關係,導演指劇中嘅來富甚至想親吻加斯頓。對於迪士尼呢次破天荒加插同性戀劇情,導演表示非常期待,但似乎導演未諗到話題敏感,惹來保守派家長反對,認為兒童電影唔應該帶有敏感話題。

▲性傾向條例家校關注組提出理據。

性傾向條例家校關注組連日喺專頁發起聯署反對同性戀平權內容,抗議迪士尼向兒童宣傳同性戀信息。其管理人員認為,兒童同青少年睇咗這套電影 ,「可能會認為跟同性談戀愛是正常的事,卻不知同性性行為帶來的傷害」,並認為迪士尼計劃日後開拍更多類似電影,係潛移默化兒童思想,又舉例台灣一位學生「因受同志教育而嘗試同性關係」而後悔不已,證明「同性戀可以學習」。管理人員更拋低一句:「若你希望子女日後變成同性戀者,可以帶佢去。」

▲唔少人都不滿其理據。

言論一出,惹來唔少人評擊,認為該專頁以偏概全,指控無理。網民反問:「套戲都未評級,即係改原著去加入懷疑同性戀情節就投訴呀?」更有部份網民諷刺留言,表示 《美女與野獸》其實係「人獸交」,又指「如果睇套戲都會變同性戀者,咁睇 X-men 咪變變種人?」部份網民認為管理員帶出唔少歪理,認為與其聯署抗議,不如關心下近期發生多宗嘅兒童自殺案。

圖片來源:性傾向條例家校關注組

#性傾向條例家校關注組#同性戀#美女與野怪獸#斷背#兒童#e分鐘

相關文章
出通告呼籲家長罷睇 小學:神不喜悅同性戀
牙佬拳佬玩斷背? 《城寨英雄》驚變同性題材
黎耀祥自爆同阿Kay唱粵曲
校長涉恐嚇自閉學生 家長:點解要反屈小孩講大話?
兒童之家駭人性侵事件 男女童疑被迫口交脫衣

推介文章
我們的時光 Twins
狠飛太極Ricky 戴夢夢澳門攬佬
舌戰7女星談情說性 黃浩被阿嬌KO
一個人  湯寶如
玩交友App識男仔 麥明詩約俊男high tea
翻新暫別街坊六星期 公和荳品:凡事向好方面看
洗米華大仔周柏豪:同爸爸溝通唔係太多
《警訊》被插拍得浮誇 堅哥反擊:咁係咪佢自己好醒呀?
陳自瑤怨老公少返屋企瞓 王浩信婚姻現暗湧
【挑辣星極辣挑戰賽】到底辣王辣后誰屬?
【挑辣星極辣挑戰賽】星級參賽者鬥食辣Laksa辣魚蛋
宣萱 有要求的人
按此閱讀臉書精彩內容

熱爆e+up


載入中…
x