不滿香港航空為自己用特權 何猷君:要一視同仁

Tue Mar 14 2017 12:08:45 GMT+0800 (中國標準時間)

撰文︰Take it e時

澳門賭王何鴻燊係知名人士,佢嘅仔女都係城中受關注嘅人士,但唔代表佢哋遇上難題時,會恃住自己老竇係邊個邊個而「特事特辦」。尋晚(13號)四房公子何猷君喺微博發帖,鬧爆香港航空服務態度差,仲因為一連串問題而搞到滯留機場7個鐘。如果你以為何猷君「以父之名」大鬧機場?你就輸了!

▲何猷君怒插香港航空。

何猷君表示,佢原本同創業夥伴搭香港航空前往上海,但友人護照漏喺飛機上而無法入境,試過「多次求助,但對方愛答不理、態度極其差」,又反指係咪因為佢哋坐「經濟艙」?由於佢哋無法自行上機搵,只能靠職員幫手,但何猷君表示對方未為自己跟進,結果搵咗成晚都冇結果,白白喺機場等足7個鐘。直到機場某位管理人員認出佢係「何生個仔」,即刻10分鐘之內幫佢搵返遺失嘅護照,事後佢覺得成件事好可悲,因為係自己嘅身份先有「特權」,仲表示呢件事係「致每一個不被公平對待的我們」。

▲何猷君有義氣陪朋友一齊瞓機場。

何猷君接受傳媒訪問時重提事件,表示當時嬲嘅原因係對方搵唔到又唔同佢哋講。

7點15分打嚟佢哋話搵唔到passport。我同朋友都嬲,搵唔到又唔講,至少我同朋友可以住酒店。

何猷君表示,諗住再打電話問佢哋可唔可以搵多次,點知對方支吾以對好似唔想搵咁。直到後來有個職員認得出佢係何生個仔,即刻打電話去搵,結果10分鐘內即刻搵到,因為咁令佢覺得成件事好有問題,認為應該係一視同仁,唔係「我係何生個仔」,就即刻搵到。

有個香港航空女仔認得我,叫人快啲搵,『佢係何生個仔』,睇住個女人打電話,10分鐘後即刻搵到,搵番出嚟,我咪覺得有問題,應該係一視同仁,唔係我係何生個仔,就即刻搵到。

▲網民大讚何猷君。

網民大讚何猷君有義氣陪朋友之餘,亦欣賞佢冇「特事特辦」,又指佢其實「肯打個電話俾阿媽,一陣就搞掂」。亦有網民指,估唔到屬有錢人嘅何猷君都會坐「經濟艙」,大讚佢夠貼地!

來源:何猷君微博

#何猷君#香港航空#特權#何生#賭王#仔#何鴻燊#一視同仁#錢#e分鐘

相關文章
傷到成手血都要影相 何猷君被笑自拍無處不在
相遇日都記得? 何猷君「520」方程式冧女友
情定富千金Kimmy 猷君晒新歡合照
識彈琴嘅男仔好吸引? 何猷君自彈自唱《說好的幸福呢》
挑戰condom水彈 賭王仔何猷君學校玩套

推介文章
汪明荃 不言休
1O1O呈獻:星星美食旅客 -食日本好「西」
老公囝囝溫馨炮製 謝安琪秘錄新歌賀女滿月
星星美食旅客 - 有牛有高潮
真我個性 龐卓欣
1O1O呈獻:星星美食旅客 -亞洲極速車手遇上牛肉超人
千嬅瞞老公着護士服牀戰 丁子高嬲爆離家
1O1O呈獻:星星美食旅客 -拜見壽司之父
電影世界中的香港 檢閱《攻殼機動隊》6大取景位
白只 不一樣的平凡
李錦聯孖助手 買魚撐枱腳
1O1O呈獻:極上VR放題 目黑搵蝦釣
按此閱讀臉書精彩內容

熱爆e+up


載入中…
x