中國要求道歉 澳泳協力撐賀頓:有權表達觀點

Mon Aug 08 2016 14:14:41 GMT+0800 (中國標準時間)

撰文︰Take it e時

雖然男子400米自由泳項目已經塵埃落定,但金牌得主賀頓暗諷孫楊食禁藥嘅餘波依然未解決,一班中國人立刻去賀頓嘅社交網站洗版轟炸,要求賀頓向孫楊道歉。中國游泳協會已代孫楊出頭,向澳洲泳協發出抗議信,聲稱賀頓言行係惡意進行人身攻擊,損害中澳泳壇感情,影響澳洲運動員形象,要求對方道歉,不過澳洲泳協就未有為事件而低頭,更力撐賀頓,表示每位運動員都有權自由發表言論。

▲澳泳協公開支持賀頓。

澳洲泳協發聲明指,賀頓有權發表自己嘅看法,呢個係佢嘅權利,佢只係支持廉潔嘅運動員;至於行政總裁麥克安達臣表示,佢會支持同信任運動員,包括賀頓嘅言論,但佢就表示呢個只係賀頓立場,會尊重每個人發言的權利;賀頓本人亦只係講出「用藥作弊」真相,拒絕道歉。

另一方面嘅孫楊,喺記者訪問時,宣稱不認識賀頓,更高呼自己係1500米之王,要開拓出新的世界.......究竟係咩意思,睇嚟只有佢自己先知。

▲估唔到拍片道歉呢樣具中國特色嘅行為都會喺奧運場上見到。

事實,早喺練習其間,賀頓曾與孫楊交惡,澳媒指孫楊曾潑水騷擾賀頓;喺正式比賽中,賀頓以0.13秒之差力壓孫楊奪冠,對方則衛冕失敗,賽後賀頓接受訪問時諷刺藥檢肥佬嘅孫楊。


#400米自由泳#孫楊#賀頓#禁藥#澳泳協#玻璃心#道歉#中國人#澳洲人#里約奧運#TakeItE時#即時

相關文章
國家奧運跳水表演 吸睛程度爆燈(多圖)
中國金牌運動員下周訪港 傅園慧有冇份?
尷尬到唔敢睇 中國選手奧運瘀爆實錄
鬧錯另一個賀頓 大陸網民:找錯地方向你道歉
輸俾賀頓唔忿氣 孫楊反擊:我就是王者

推介文章
西關大少李家鼎 教你中式餐桌禮儀
5億買《壹週刊》玄機 黃浩寄語《壹》員工:不畏強權撐到底
尹光 三少爺的歌
做機防翻脹 苟芸慧明年嫁陸漢洋
【新加坡米芝蓮:一碟油雞 走出世界】
一人食 鹹蛋蒸肉餅
冒險時刻 C AllStar
星星美食旅客特別番外篇:東京遇上意大利(1)
我們的時光 Twins
狠飛太極Ricky 戴夢夢澳門攬佬
舌戰7女星談情說性 黃浩被阿嬌KO
一個人  湯寶如
按此閱讀臉書精彩內容

熱爆e+up


載入中…
x