主播離巢愈做愈掂? 黃麗幗馮堅成宣布唔撈

Sat Apr 16 2016 23:45:22 GMT+0800 (中國標準時間)

撰文︰Take it e時

無綫啲新聞主播不嬲都好多人留意㗎,之但係近年一個接一個離職,電視上雖然出現好多新面孔,但有時都會懷念下以前嘅。呢次又有兩個主播辭職啦,就係報體育報咗十五年嘅馮堅成,同埋喺無綫做咗四年嘅靚女主播黃麗幗,佢哋都分別喺facebook度宣布辭職呀!

▲自從周嘉儀走咗之後,黃麗幗就成功上位,由以前做天氣小姐,呢家坐埋台報新聞。

▲不過上位之後,網民發覺佢下巴尖咗唔少,變靚咗好多。

▲有傳佢將會轉戰財經界。

▲馮堅成做體育主播成十五年,大家好多時都係聽佢「講波」㗎!

▲佢同其他主播都幾friend,成日都玩自拍,樂也融融。

▲有報導指佢過檔樂視呀!

雖然佢哋即將離開無綫,但宏觀睇返之前離職嘅主播,發現佢哋嘅前景都相當唔錯,人氣仲大過之前呀!

方健儀

方健儀離開無綫之後,就轉職做司儀同皮革工作者。上年幫《100毛》拍節目,喺節目入面大展歌喉,喺《100毛》搞嘅分獎典禮,仲奪得香港區最受歡迎女歌星。

▲方健儀攞完嗰獎之後人氣急升,喺好多活動都見到佢嘅蹤影。

黃紫盈

當年黃紫盈含淚報新聞轟動一時,過咗冇幾耐佢就離開無綫,為其他電視台做節目主持啦!

▲今年佢仲兼任監製同主持,拍線上旅遊節目。

周嘉儀

周嘉儀做主播嗰時,俾網民封為「女神主播」。不過喺13年佢就同已婚男主播許方輝傳出緋聞,仲有傳無綫叫咗佢去「照肺」㖭。

▲依家佢就轉行加入證券行,負責市場推廣工作。

柳俊江

柳俊江離開咗無綫之後,去做啲非常有意義嘅嘢,就係去咗做香港愛護動物協會中國外展總監,致力宣揚動物保育理念。

▲柳俊江仲參與電影拍攝,喺電影《雛妓》入面做阿Sa嘅男朋友。

雖然好多主播都已經離開咗無綫,冇得再聽佢哋講「香港早晨」,但係見到佢哋前景咁鬼好,而且仲用唔同方式同大家見面,大家應該都覺得幾欣慰嘅。

圖片來源:柳俊江、周嘉儀、黃紫盈、馮堅成、方健儀、黃麗幗facebook
《雛妓》劇照


#黃麗幗#馮堅成#主播#柳俊江#周嘉儀#黃紫盈#方健儀#無綫#TakeItE時#熱話

相關文章
忽然變靚 主播黃麗幗包面變V煞
無綫體育新聞主播爆離職潮 伍晃榮最令人懷念
余思敏抱仔濕平齋睇唔買 鄭中基一Call即返歸
前有線主播陳如楓 教用泡沫滾軸放鬆肌肉
凍到唔記得台詞? 無綫主播鏡頭前睇手機出貓

推介文章
【自爆隨時嫁得】扁嘴打電話 泳兒搵唔到男友?
公司由創業板轉主板 黎姿:好掛住演戲 回顧愛美神經典作品
陳凱琳囝囝Rafael好可愛 鄭嘉穎:自己個BB最得意
【忽傳婚變】吳若希:唔妥老公好耐 老公Alex愁爆扯煙?
【靚衫X香水】名模陳嘉容:美麗係色香味俱全
【曾當街激咀剝裙】34歲戴夢夢拍拖變低調 情人節前夕出街唔帶Ricky
【超級筍盤】家族身家過百億 馬桂烽買新衫孖黃心美過情人節
豬年愛健康 加拿大西洋參應該點揀? 
【結婚18年】 呂良偉拖太太買新年禮物 好有熱戀Feel
【糖冬瓜食到厭?】跟莊端兒整賀年桔仔馬卡龍
周柏豪似大細路 老婆做跟得夫人陪整頭
【麥玲玲2019豬年財運攻略】豬蛇猴虎小心投資 屋中間放水種植物利財運
按此閱讀臉書精彩內容

熱爆e+up


載入中…