乘客不滿上車前先收BB車 巴士司機:我跟規矩做啫

Tue Jun 27 2017 12:10:35 GMT+0800 (中國標準時間)

撰文︰Take it e時

乜話?跟規矩做嘢竟反被人鬧?係呀,最近有巴士司機喺網上抱怨,指遇上拎BB車嘅父母,當要求佢哋登車前先摺車,並表示只係跟規矩做事,卻被乘客用粗口辱罵兼投訴,而咁啱同一日竟發生兩宗類似拒收BB車事件,因此令司機感無奈。

▲司機指呢位乘客拒絕合作。

尋日有司機網上分享呢段被投訴經歷,指有對父母登車前,未有預先將BB車摺好,司機指自己「好聲好氣叫佢摺好BB車」,但換來一句「我企係(喺)度睇住都要摺!」司機補充只係跟規矩做事,結果反被對方粗口辱罵:「X你老母.都未上,上X左先摺唔X得咩,X你老母西死巴士佬!」,揚言要投訴該司機之餘更疑似「吹雞」。

到富亨,佢落車:死巴士佬。睇X住揸車。打電話。要吹雞;我落車話:我好驚,你唔好走,我報警!佢就一家大細咁走!

▲該大肚婆指自己唔識收車。

無獨有偶,同一日亦有另一宗類近事件(並非上述司機),一位大肚乘客拎BB上車反被司機要求收車,該大肚乘客事後網上抱怨,反問「BB車坐巴士要收起㗎咩?」,又指自己「唔識收車,但已放輪椅位」,更將茅頭指向司機:「點解要受車長不禮貌對待?」

其實車長你咁唔滿意可以報警,我唔介意全車人陪你等,不過你注意下啲眼神,唔好嚇親大肚婆。

▲司機有責任保障行車時安全。

普遍網民幫司機反插乘客,指出其實巴士有規則指示,上車前應先將BB車摺好方可上車,因為司機有責任保障行車時安全;同時又指放輪椅位係唔洽當,就算當時冇輪椅人士唔代表嗰個位可放BB車。有部份乘客指,可能司機態度唔好而引起罵戰,亦有網民反指司機都係作出提醒,錯嘅始終係乘客。

來源:巴士的事討論區

#巴士#乘客#BB車#父母#抱怨#規矩#e分鐘

相關文章
【遊日中$600有找   新宿出發玩日本中部】
難忘與女乘客靠肩睡 男事主後悔錯過良緣
出PO澄清冇打擾羅蘭姐 家長:當時囡囡係讓座俾佢
晾腳開餐剪指甲? 票選九巴最乞人憎行為
為追巴士搵命博? 小學生亡命衝馬路險車死

推介文章
同朋友開年食呢間!
「牛雜妹」李美琪教 新年暴食減肥4招
米芝蓮大廚教煮住家菜(下)
美心妹妹帶你年假放電 SuperPark三個必玩game
誰能明白我 何綺雲
荔枝角蛋包飯 聾人主理
狗年迎春攻略 Mall姐呼籲領養 玩人狗瑜伽 教毛孩逗利是
狗年迎春攻略 Mall姐呼籲領養 玩人狗瑜伽 教毛孩逗利是
陳蕊蕊、肥腸 醒你情人節冧招(伴侶篇)
闖出我天地 杜麗莎大女T.V. Carpio
裸妝最強! 5大Cushion粉底
Coffee帶你跟紅星辦年貨 買大細契咖啡瓜子 發哥臘腸
按此閱讀臉書精彩內容

熱爆e+up


載入中…
x