【交易現祥】 自認中國人 小豬FB專頁爆發「unlike潮」

Mon Jan 18 2016 10:56:00 GMT+0800 (中國標準時間)

撰文:Take it e時

因為周子瑜疑似被迫承認係中國人一事,引發起兩岸矛盾之餘,更大大提高咗台灣人嘅民族意識,呢個時候,幾乎每個台灣民眾都高呼「只有一個台灣」、「我是台灣人」等標語,但偏偏作為無數台灣人偶像嘅羅志祥(小豬),就喺一片團結聲音下唱反調,高呼「我是中國人」。

▲羅志祥有份喺大陸節目《無限挑戰》做主持,其電影版《無限挑戰之皇家寶藏》喺早幾日上映。

是咁的,小豬前晚喺北京參加《無限挑戰之皇家寶藏》電影首映禮,台下觀眾問佢同其他幾位中國明星合作時嘅感想,小豬忽然「愛國」起嚟:「不用分那麼細,因為我們都是中國人。」此話一出,令台下無數中國粉絲拍爛手掌,更大讚小豬係「台灣少數敢承認自己是中國人的藝人」。

▲ 網民維插小豬

海嘅呢面,佢得到掌聲,但海嘅另一面,佢得到嘅,係噓聲。是關台灣網民知道羅志祥嘅言論後,既憤怒又失望,斥責有原住民血統嘅小豬丟原住民臉,更叫羅志祥應該現身交代事情。

▲Like嘅人數不斷下降,未有停止,所以數字非常浮動。

呢場傑出公關災難未有及時解決,更隨即引起Facebook 「unlike潮」。小豬Facebook page like 嘅人數,有如恆生指數般一夜暴跌,更有下降趨勢。有網民指每F5一次,like 數都會少咁幾十人,搞唔到少網民漏夜瘋狂F5,見證呢個瘋時刻。唔少網民講笑咁講,有如交易現「祥」。有網民為慳力,索性整咗個dislike count,真係每秒少幾10 like 㗎。

▲羅志祥仍然未有現身交代,似乎仲未知道事態嚴重。

民族意識高漲嘅台灣人又點會咁容易放過呢啲見錢開眼嘅「偽人」?即使係台灣人都唔俾面,不過家下人哋都自認係中國人,睇嚟真係非同道中人,可以不留情面喇喂!唔知會唔會嚴重到好似黃安咁,唱K 會冇晒阿豬哥啲歌㗎?不過唔緊要啦,冇咗台灣千幾萬人嘅支持,轉個手喺微博就贏得返,成13億人喎,隨時仲多個突㖭呀!

▲小豬透過經理人發聲明,指自己既係中國人,又係台灣人。

不過最新發現,小豬經理人公司喺今日中午就發表聲明:

「小豬是土生土長的台灣人,但也是受中華文化教育長大的中國人!試問在台灣長大的同輩或長輩們,誰不是呢?兩岸關係如果連政治人物都還不能解決,就不要再問這些不過只想做好表演的藝人了,他們如果回答得出來,兩岸問題就沒有那麼難了。不是嗎?最後,小豬只是想認真做好表演的人,請大家讓表演歸表演,政治歸政治吧!謝謝大家。」

食兩家餐飯咁嘅款,唔知你又點睇呢?


#羅志祥#公關災難#Facebook#unlike#周子瑜#台灣#即時

相關文章
勁跳洗腦大媽舞 羅志祥化身女神「小朱」
「男友」填詞天皇助陣 楊丞琳新歌MV狂集郵
王祖藍孖阿媽拍MV慶祝母親節 娛圈五個公認孝順仔女
【自拍冷知識】盤點藝人五大屋企自拍靚位
網民插爆怒砸唱片 羅志祥《美人魚》宣傳無影

推介文章
最叻星二代 倫子譚曉風攬女示眾
活在當下 曹永廉
買靜安區5千萬豪宅 城城跟妻女移居上海
西關大少李家鼎 教你中式餐桌禮儀
5億買《壹週刊》玄機 黃浩寄語《壹》員工:不畏強權撐到底
尹光 三少爺的歌
做機防翻脹 苟芸慧明年嫁陸漢洋
【新加坡米芝蓮:一碟油雞 走出世界】
一人食 鹹蛋蒸肉餅
冒險時刻 C AllStar
星星美食旅客特別番外篇:東京遇上意大利(1)
我們的時光 Twins
按此閱讀臉書精彩內容

熱爆e+up


載入中…
x