低調到連好友都冇請 JJ元旦日急嫁力王

Wed Jan 06 2016 11:06:53 GMT+0800 (中國標準時間)

撰文:Take it e時

娛樂圈囍事真係一浪接一接,唔係呢個結婚,就嗰個宣布拍拖。早前李蘊先唔聲唔聲喺海南秘密同金融才俊羅章冠結婚,仲聽聞極速有埋㖭!點知事隔兩日,娛樂圈又傳出另一宗囍事,原來賈曉晨(JJ)亦都秘秘密密喺元旦日同43歲嘅樊少皇(力王)拉埋天窗喇!

▲舊年去婚姻註冊署入紙,唔少人以為佢哋當日已經結婚。

咦,唔好住,乜舊年光棍節,樊少皇唔係已經同JJ公開結婚消息咩?嗰陣JJ仲撒嬌話「力皇」事先張揚:「好討厭呀!都唔等人,自己公開!現在只係申請之嘛!」,估唔到依家JJ唔聲唔聲嚇你一驚,連擺酒都唔講聲,如果唔係JJ喺微博朋友圈入面公開元旦秘密註冊結婚呢件事,我哋真係唔會知囉,真係毫無徵兆呀。

▲二人齊Show鑽戒

其實唔知佢哋結婚嘅,又點止我哋一眾網民?就連佢哋嘅好友,如莊思敏、蔚雨芯都唔知,甚至係拉攏二人認識嘅洪天明都被蒙在鼓裡,睇嚟JJ同「力王」個餐婚宴,真係低調至極喎。不過JJ其實都講過唔想大搞婚禮嘅,只係冇諗過成個過程都咁低調囉。

據聞當晚只係請咗男女方親戚食飯,總共兩圍。過程亦都一切從簡,女方手上無戴任何金器,身上只有簡單一條珠鍊同頭飾,全程都只係着件low cut純白嫁衣,男方仲輕鬆,外面藍色西裝褸加件恤衫,仲要冇打呔,睇落同平日出街無咩分別,不過結婚唔一定要搞大龍鳳嘅,簡簡單單都可以好滿足,睇JJ同力王張合照就知啦,唔大搞,SO WHAT!?

▲一切從簡嘅JJ,唔介意人生大事搞得咁低調,實屬罕見。

嗱,一班親戚都好有心,專程送咗個結婚蛋糕比一對新人,蛋糕上面仲寫住「終身幸福」,搞到諗住簡單完事嘅JJ都有意外驚喜。雖然過程一切從簡,但見到一對新人都好開心。見到JJ終於可以同力王修成正果,攜手步入教堂,共渡餘生, 一班食開花生嘅網民都登你哋高興呀!不過睇JJ微博,結婚接近成個星期都冇乜異樣,呢次婚禮都可以包到成件事咁密實,都要俾個讚你!


#JJ#樊少皇#樊太#結婚#元旦#微博#即時

相關文章
葉玉卿33C大女 攬翻版湯告魯斯
識唱作歌者為「俊杰」 周杰倫林俊傑你會揀邊個?
成龍MV挑戰人類忍耐力 創新舞步震驚13億人 
引人遐想女星合集 湯洛雯抱沙包狂叫
放閃慶祝12周年 田蕊妮:結婚係接受彼此嘅不完美

推介文章
西關大少李家鼎 教你中式餐桌禮儀
5億買《壹週刊》玄機 黃浩寄語《壹》員工:不畏強權撐到底
尹光 三少爺的歌
做機防翻脹 苟芸慧明年嫁陸漢洋
【新加坡米芝蓮:一碟油雞 走出世界】
一人食 鹹蛋蒸肉餅
冒險時刻 C AllStar
星星美食旅客特別番外篇:東京遇上意大利(1)
我們的時光 Twins
狠飛太極Ricky 戴夢夢澳門攬佬
舌戰7女星談情說性 黃浩被阿嬌KO
一個人  湯寶如
按此閱讀臉書精彩內容

熱爆e+up


載入中…
x