何家每月苛索廿萬生活費? 周子揚無奈與何傲兒斬情絲

Fri Dec 25 2015 11:32:48 GMT+0800 (中國標準時間)

撰文:Take it easy

一段似是而非兼,纏繞咗周子揚、何傲兒、林建名3人足足超過400日有多。何傲兒一時同林建名出雙入對,一時同周子揚纏綿繾綣、難捨難離,但周子揚多次嘅公開示愛,何傲兒卻刻意回避不談,更加疑似分手又復合,離離合合嘅關係令呢段「三角戀」變得撲朔迷離。究竟係爺孫戀?定兒子戀?媽,好混亂呀!

▲為咗何傲兒,可以去得幾盡?

後來,周子揚同何傲兒公眾地方激咀15秒兼秘密遊韓國,似乎奠定咗周子揚嘅「男友」地位,但可惜女方一直無承認,而林建名只能以另一方式留住何傲兒,簽佢做大名娛樂旗下歌手藝員。當你以為呢段三角戀終有定案之時,偏偏先贏一仗嘅周子揚,未能如願同何傲兒一齊走到人生盡頭,未踏入教堂已先分手。二人分開,係林建名嘅斷續追求?定係命運嘅不挽留?非也,統統都唔係,最主要原來都係敵不過一個簡單又複雜嘅字:錢!

▲ 何傲兒及何傲芝經常陪伴何父出入馬場

尋日周子揚稱同何傲兒嘅戀情早已喺3個月前斷欖,更大爆對方「貪錢」,每月苛索十至廿萬等生活費。

嗱,去到呢到又要講下小小往事。是咁的,何世根曾經係馬主,亦都係貿易富商,擁多間公司及物業,包括逾千萬長沙灣舖、土瓜灣傲雲峰單位。雖則未算超級富豪,但已是非富則貴,但好景不常,去年因投資失利欠債1400萬而申請破產。雖然最後破產申請獲撤回,但何家資產已經今非昔比,而何世根亦似乎因此而「明白」錢銀嘅重要,望何傲芝、何傲兒二人能夠釣到超級金龜婿,令何家能重振聲威。雖則周子揚係西貢地王太子爺,但佢嘅資產都未足以令佢「夠資格」踏入何家。過去何傲兒同林建名、周子揚三戀一事,更令何世根不滿,極力勸止何傲兒分手。但講到最尾,都係嫌對方錢唔夠多。

據悉,對何傲兒一心一意嘅周子揚一直努力迎合何父要求,更多次以資金協助對方,但奈何貪勝不知輸,十萬至廿萬嘅生活費實在難以負擔,周子揚更直言事有古怪,雖愛何傲兒,但未能用錢打動對方家長,無奈下同何傲兒斬斷情絲,從此天各一方。

▲男女方不約而同喺各自微博上寫下感言

數日前,男女方不約而同喺各自微博上寫下感言,男嘅表示:「只求之前美好的回憶,好好留在我們的心中。」而女嘅表示:「過去不等於現在,我們活在當下吧。」

畫公仔唔使畫出腸,惟有將最美麗嘅回憶,藏於永遠心底裡吧啦。


#何傲兒#周子揚#林建名#何世根#即時

相關文章
讀完藍帶變女廚神 徐淑敏下廚震驚賓客
張名雅晒金器出嫁 索爆姊妹團搶鏡
與何傲兒13啜後反面 周子揚︰好傻豬豬!
薛世恒周子揚 貼地公子
大媽自撞私家車 司機醒目化危機

推介文章
狗年戀事驚人預測 王菲終嫁霆鋒 陳嘉倩BB竟然……
古天樂陳豪有勁敵 猜Fing講國語冇句聽得明
《溏心3》搞笑!Bosco細31年做司棋姐細佬
網民同推做視帝 王浩信馬明你揀邊個
大人細路爭住玩室內賽車場
【日本賞楓新角度】 鳥取坐滑雪吊車睇秋色
3招健胸操
【撐小店】希望在明天
鄭丹瑞寸麥美恩:麥明詩十優,你久休!
【孖你做瑜伽】 中級雙人背部伸展
【孖你做瑜伽】 搵個partner幫你輕鬆拉筋
【跟住爸爸食燕窩】唔使一嚿水 燕窩食滿咀
按此閱讀臉書精彩內容

熱爆e+up


載入中…
x