係真唔係? 傳無綫拍《創世紀》續集攻內地市場

Thu Aug 25 2016 12:30:28 GMT+0800 (中國標準時間)

撰文︰Take it e時

近期無綫深夜重播《天與地》,神劇再重播幾次都會有人睇。講開神劇,大家仲記唔記得1999年有一套叫《創世紀》呢?由羅嘉良、郭晉安、古天樂、陳錦鴻、郭可盈、陳慧珊等人演出。近日內地微博有消息指無綫會同愛奇藝合作,合拍《創世紀》續集,名為《再創世紀》。

▲陳展鵬、梁烈唯已經去咗北京,準備出席2016北京電視節。

據知呢套《再創世紀》,係一套超級網劇。故事跟足《創世紀》,劇中講新一代香港人同內地人嘅奮鬥故事。你可能會問,咁有咩人做,當時啲演員得返郭晉安一個喺無綫,拍啲咩呢?咁續集冇話要舊人做嘅,消息指《再創世紀》演員包括黃宗澤、陳展鵬、胡定欣、梁烈唯、黃德斌等人參與。到底會唔會再變神劇就唔知,不過相信事成嘅話,愛奇藝會係首播。香港人想睇,等下啦。冇得睇...不如重溫下啲金句先!

▲許文彪對地產霸權嘅說話。

我唔係冇試過,我試過安份守己,日搏夜搏,賺咗嗰一萬幾千,我試過,但係出面嗰班人,出面嗰班人呀,佢哋識建築識起樓咩?佢只係攞少少錢出嚟,攞少少時間,炒起個樓市就不停喺度賺大錢,咁叫公平咩!你出去問下人,是但問一個人,問下佢哋想要啲乜野!佢哋答案好簡單,只係想要一間普通好普通嘅樓!點解佢哋要用成世人嘅時間去供一層樓呀?因為啲有錢佬喺度玩嘢呀!愈有錢就愈有得玩呀!呢個世界公平咩?呢個世界公平咩!

▲葉榮添金句用到依家。

其實食啲咩唔重要,最重要係同邊個食?

▲葉榮添對穎欣嘅對話。

你願唔願意再相信我一次,我為你創造呢個奇蹟!

▲霍景良嘅老謀深算相當可怕。

你知唔知你哋最失敗係咩呀,就係冇玩死我,但我有本事玩死你。

圖片來源:陳展鵬微博、梁烈唯微博

#無綫#創世紀#續集#再創世紀#神劇#TakeItE時#推介#即時

相關文章
心跳唔正常 馬浚偉拍戲帶藥保命
拍劇開價貴過楊怡 陳法拉𢱑撈無綫被拒
「兜巴信」變「剝衫王」 王浩信:好辛苦完全唔Enjoy!
外國人亂入鏡頭玩掃把 重溫無綫爆笑追風片段
傳新劇擔正男一 何廣沛:起碼要三五七年

推介文章
西關大少李家鼎 教你中式餐桌禮儀
5億買《壹週刊》玄機 黃浩寄語《壹》員工:不畏強權撐到底
尹光 三少爺的歌
做機防翻脹 苟芸慧明年嫁陸漢洋
【新加坡米芝蓮:一碟油雞 走出世界】
一人食 鹹蛋蒸肉餅
冒險時刻 C AllStar
星星美食旅客特別番外篇:東京遇上意大利(1)
我們的時光 Twins
狠飛太極Ricky 戴夢夢澳門攬佬
舌戰7女星談情說性 黃浩被阿嬌KO
一個人  湯寶如
按此閱讀臉書精彩內容

熱爆e+up


載入中…
x