做Pokemon大師冇難度 打工仔捉精靈攻略

Tue Jul 26 2016 18:00:00 GMT+0800 (中國標準時間)

撰文︰Take it e時

《Pokemon:GO》一出,即刻令唔少人化身「精靈訓練員」,齊齊上街捉精靈。不過對於要成日坐喺辦公室、工時又長嘅打工仔,要落街搵精靈實在係有啲困難,但所謂世上無難事,打工仔要玩得勁,都唔係無辦法嘅。

善用車程

返工搭車嗰段路,係做精靈訓練員最好嘅時間。無論你係搭地鐵定係巴士或者其他交通工具,沿途總會經過唔同Pokeshop(補給點),呢個時間梗係要瘋狂咁掃晒佢啦!如此一嚟,一程車收返嚟嘅精靈球,已經夠你點拋都得。而且最正嘅係,坐車可以順便孵埋蛋,唔使自己行,正!

▲當然如果你係自己揸私家車或者住正喺公司隔籬,就當冇講過啦~

午餐黃金時間

返工放工兩程車,收到嘅資源絕對會塞爆你背囊。而點樣善用呢啲資源,就要靠食lunch。熏香(Incense)同誘惑補丁(Lure Patch)可以吸引寵物小精靈,最啱約埋同事喺lunch,搵一個人開然後全部人一齊受惠。大家每日輪流開,精靈一定多到你捉唔晒,即使道具用晒,每人夾一蚊都可以買返個啦!

▲一間公司點都會有幾個同事玩,搵佢哋好過要你專登出去約人、夾時間。

金錢優勢

打工仔雖然冇學生族咁多時間,但有嘅優勢就係錢!如果你真係好介意追唔上其他人進度,就惟有出課金呢個「下策」。適當嘅課金,用嚟買孵蛋器、熏香同誘惑補丁等重要道具,絕對會令你玩得更得心應手。如果你大把錢,甚至可以直接狂買精靈蛋(Eggs)升級。不過都係嗰句:課金要克制,切記量力而為。

▲同好多手機遊戲一樣,《Pokemon:GO》都係肯課金就會勁。

打工仔要享受呢隻game其實一啲都唔難,但係記住唔好邊返工邊玩,如果唔係後果自負呀!

圖片來源:《Pokemon:GO》

#寵物小精靈#大師#訓練員#打工仔#攻略#TakeItE時#推介#熱話

相關文章
帶埋去孵蛋 《寵物小精靈》跑步比賽冬天襲港
激似度100%! 神手網友自製小精靈紙燈籠
廿年冠軍夢碎惹公憤 小智聯盟「全敗紀錄」重溫
Pokémon Go風暴襲港 全城抽水掘金
Pokémon Go熱潮食住上 大小商戶齊吸金

推介文章
楊明 把握時機
1O1O呈獻:星星美食旅客 -東京中華料理之最高
聯名買將軍澳樓 蕭正楠黃翠如同居試婚
1O1O呈獻:星星美食旅客 - 兩大貼地必吃餐廳
汪明荃 不言休
1O1O呈獻:星星美食旅客 -食日本好「西」
老公囝囝溫馨炮製 謝安琪秘錄新歌賀女滿月
星星美食旅客 - 有牛有高潮
真我個性 龐卓欣
1O1O呈獻:星星美食旅客 -亞洲極速車手遇上牛肉超人
千嬅瞞老公着護士服牀戰 丁子高嬲爆離家
1O1O呈獻:星星美食旅客 -拜見壽司之父
按此閱讀臉書精彩內容

熱爆e+up


載入中…
x