傳陳展鵬見高層確認新歡 胡定欣:成件事同我無關

Mon Mar 20 2017 13:36:42 GMT+0800 (中國標準時間)

撰文︰Take it e時

之前陳展鵬同胡定欣因為拍劇而傳出緋聞,雖然佢哋例牌否認,但佢哋喺傳媒面前,都經常大晒花槍,關係真係耐人尋味!不過近日,陳展鵬就俾傳媒影到,同落選港姐單文柔喺山頂談心食外賣!俾人撞到應一應,兩位當事人都嚇咗一跳!事後有傳陳展鵬費事女方難做,自己一力承擔,喺無綫高層面前承認戀情,仲自己應付傳媒,同傳媒表示當日係因為餐廳冇位兼遲到,先上山頂食,仲指「單文柔好好,等埋我仲負責買外賣。」大讚女方!

之不過冇啦啦多咗個單文柔,咁緋聞女友胡定欣又點睇呢?雖然展鵬表示有同胡定欣聯絡,但胡定欣接受傳媒訪問時就指自己一啲都冇嬲!「同佢一直都係同事,新聞還新聞,事實還事實,成件事同我無關。」哇,似乎想同拳佬劃清界線啦!

▲近日陳展鵬俾人影到同落選港姐單文柔上山頂談心食嘢。

▲有傳展鵬仲為單文柔承擔今次事件。

▲之前定欣同展鵬因為拍劇傳出緋聞,兩個人仲成日喺記者面前耍花槍。

▲可惜,呢件事嘅發生,令定欣今次同展鵬劃清界線。

至於另一主角單文柔,就俾傳媒大爆佢情路坎坷,之前曾經俾好姊妹搶走男朋友,有人爆料指單文柔將男朋友介紹俾自己閨密識,點知對方居然私下同個男仔傾電話同出街,最後仲俾佢搶走埋!而家同展鵬又發生件咁嘅事,呢件事一出街,唔少展鵬嘅粉絲都去到佢ig鬧爆佢借男方上位。唉,睇嚟要陳單戀嘅發展,可能都要經歷好多困難先得啦!

▲單文柔俾人大爆佢曾經俾閨密搶走男朋友。

▲而家想同展鵬發展下,又俾人鬧爆。

▲女方嘅情路都真係幾坎坷。

圖片:tvb、單文柔、胡定欣、陳展鵬ig

#陳展鵬#胡定欣#單文柔#e分鐘

相關文章
男星露股必紅 重溫陳展鵬林峯靚股
《同盟》結局被插好膠 陳展鵬喊到流晒鼻涕
陳展鵬開Live否認割雙眼皮 同愛犬合唱主題曲谷收視
專欄︱講句拍拖真係咁難?(林蕾)
陳展鵬衣着再被彈 King Jer:洗不走的亞視娘味

推介文章
【跟住爸爸食燕窩】唔使一嚿水 燕窩食滿咀
最叻星二代 倫子譚曉風攬女示眾
活在當下 曹永廉
買靜安區5千萬豪宅 城城跟妻女移居上海
西關大少李家鼎 教你中式餐桌禮儀
5億買《壹週刊》玄機 黃浩寄語《壹》員工:不畏強權撐到底
尹光 三少爺的歌
做機防翻脹 苟芸慧明年嫁陸漢洋
【新加坡米芝蓮:一碟油雞 走出世界】
一人食 鹹蛋蒸肉餅
冒險時刻 C AllStar
星星美食旅客特別番外篇:東京遇上意大利(1)
按此閱讀臉書精彩內容

熱爆e+up


載入中…
x