允許留低但加租7成 其昌文具店:簡直係癲價

Fri Sep 16 2016 13:52:22 GMT+0800 (中國標準時間)

撰文︰Take it e時

家下小商戶要生存一啲都唔容易,唔係要捱貴租就係被迫搬遷,分分鐘一個月賺嘅收入都已經用晒嚟交晒租,點做落去?最近大埔運頭塘商場唔少商戶正面對呢個難題。今年4月領展將大埔運頭塘商場出售予駿昇投資(香港)有限公司,新業主接手後即發律師信,要求商場內6間小店明年1搬遷。

▲羅先生睇住商場一直轉變。

其中受影響嘅其昌文具係商場嘅「開荒牛」,起碼營業咗20幾年,真係睇住唔少人由細路仔變成大人,再帶番自己嘅小朋友幫襯。但隨住駿昇勒令搬遷,其昌文具好快就要同大埔居民講再見,事件仲搞到老闆羅先生連夜失眠。

收到封信嗰刻真係晴天霹靂,我仲有兩年幾約,不停諗點解會咁,失眠咗幾晚,唔通我哋呢啲小商戶無財無勢,只可以任人魚肉?

▲咁樣加租法,明顯要小店知難而退。

最近羅先生接受其他傳媒訪問,更大呻駿昇提供嘅挽留方案係「假選擇」,事關經過磋商後,駿昇允許小店留低搬新舖,但租金上升近7成,接近成5萬蚊租。

我哋文具舖賺1蚊幾毫,點每個月交5萬蚊?簡直係癲價!

▲有市民開設 fb「運頭塘互助支援組」,希望有更多人關注。

其實羅先生曾經講過,最唔捨得嘅係一班街坊,但無奈大財主注資後,小商戶想做都做唔住。有市民開設 fb「運頭塘互助支援組」,希望有更多人關注。立法會議員梁國雄(長毛)積極聲援運頭塘商場小店,要求有合理交待。

▲究竟商場最後會變成點?

2005年,領匯接手管理運頭塘,隨即清空運頭塘街市,遷入更多大型連鎖店。屋邨商場冇晒屋邨味道,消失嘅唔只係回憶,仲有一係難能可貴嘅人情味。

圖片來源:運頭塘互助支援組、蕭雲

#運頭塘#其昌文具#大埔#小店#加租#領展#駿昇#TakeItE時##即時

相關文章
25年小店光榮告別 其昌文具老闆:提起街坊眼濕濕
輪椅狗狗生命倒數 大埔街坊祝福:你已經好叻
大埔超貼心醫生 市民激讚:能用「醫者父母心」形容
木棉飛絮似雪花 大埔友:飄到周圍都係,呼吸困難
出PO澄清冇打擾羅蘭姐 家長:當時囡囡係讓座俾佢

推介文章
《溏心3》搞笑!Bosco細31年做司棋姐細佬
網民同推做視帝 王浩信馬明你揀邊個
大人細路爭住玩室內賽車場
【日本賞楓新角度】 鳥取坐滑雪吊車睇秋色
3招健胸操
【撐小店】希望在明天
鄭丹瑞寸麥美恩:麥明詩十優,你久休!
【孖你做瑜伽】 中級雙人背部伸展
【孖你做瑜伽】 搵個partner幫你輕鬆拉筋
【跟住爸爸食燕窩】唔使一嚿水 燕窩食滿咀
最叻星二代 倫子譚曉風攬女示眾
活在當下 曹永廉
按此閱讀臉書精彩內容

熱爆e+up


載入中…
x