元朗、屯門、天水圍 香港塞車重災區三巨頭

Wed Sep 28 2016 10:25:00 GMT+0800 (中國標準時間)

撰文︰Take it e時

生活喺香港,塞車對唔少人嚟講可能已經係家常便飯,特別係返工放工嘅時間,唔塞車嘅話絕對係奇蹟。不過當每一區都面對緊塞車問題嘅時候,有啲區似乎比其他區塞得更嚴重。以下呢幾區就係傳說中嘅「塞車重災區」,你又見識過未呢?

元朗

人多車多、分分鐘逼過旺角嘅元朗,因為交通規劃主要以元朗大馬路 (青山公路元朗段) 為骨幹,基本上所有巴士線都要經佢先出到大欖,塞車自然嚴重。加上區內馬路仲要有輕鐵一齊「爭路」,想唔塞都幾難。

▲唔止「人」、「車」爭路,仲有埋輕鐵,難怪元朗成日咁塞。

屯門

屯門公路多彎而且多斜路,所以一直係出名嘅「炒車熱點」,間唔中就會發生交通意外,所以自然塞上加塞。而因為工業區返工人數多,一到返工時間,成條公路直情係「塞死晒」,唔坐返個零鐘都唔使旨意入到屯門!

▲屯門公路嘅塞車景象,相信對好多人嚟講都唔陌生。

天水圍

天水圍跨區返工嘅人極多,唔止馬路塞,就算西鐵一樣都係日日逼爆。加上交通規劃差,淨係塞喺交通燈位都可以塞餐懵,天水圍居民花喺塞車嘅時間絕對唔少。

▲最慘係連西鐵一樣會塞到爆,難怪有關注組都忍唔住改圖。

其實香港唔少地方,好似幾條隧道沿線、灣仔、觀塘等地都係塞車重災區,而講到尾都係規劃、車輛政策出咗問題。要見到冇塞車問題嘅一日?呢個可能真係遙不可及嘅夢……

圖片來源:Kelvin Cheuk、天水圍民生關注平台、Nga Shui

#元朗#屯門#天水圍#塞車#交通問題#重災區#TakeItE時#推介#熱話

相關文章
疑用生鏽釘板趕流浪貓 居民怒斥:呢啲人會俾天收
排頭位被打尖冇得上車 阿伯嬲爆人肉擋九巴
原居民聲討政府丁屋政策 
濕身鞦韆彩色沙池任玩 元朗都有水上樂園
【香港奇談】猛鬼地標系列 元朗屏山達德小學

推介文章
《溏心3》搞笑!Bosco細31年做司棋姐細佬
網民同推做視帝 王浩信馬明你揀邊個
大人細路爭住玩室內賽車場
【日本賞楓新角度】 鳥取坐滑雪吊車睇秋色
3招健胸操
【撐小店】希望在明天
鄭丹瑞寸麥美恩:麥明詩十優,你久休!
【孖你做瑜伽】 中級雙人背部伸展
【孖你做瑜伽】 搵個partner幫你輕鬆拉筋
【跟住爸爸食燕窩】唔使一嚿水 燕窩食滿咀
最叻星二代 倫子譚曉風攬女示眾
活在當下 曹永廉
按此閱讀臉書精彩內容

熱爆e+up


載入中…
x