入境北韓險被拘留 洪永城:諗返起覺得自己好幸運

Wed Jun 21 2017 15:37:11 GMT+0800 (中國標準時間)

撰文︰Take it e時

雖然近年北韓已經冇以前咁神秘,但呢個地方對好多人嚟講都係「生人勿近」,要去嘅話都要小心啲,否則做錯少少都可能牽連甚大。好似22歲美國大學生瓦姆比爾(Otto Warmbier)因偷取政治標語被捕,仲被判勞改15年,最近獲北韓釋放,但轉個頭就話佢死咗,真係得人驚。曾經去過北韓拍旅遊節目嘅洪永城都有留意新聞,更藉此分享自己當時去北韓嘅一段小插曲,仲話諗返起都「覺得幸運」。

▲洪永城話當時驚到震。

洪永城回憶起兩年前去北韓拍旅遊節目,佢指當時「犯下一個低級錯誤」,就係唔小心帶咗本香港買嘅北韓書入北韓,指「關於北韓嘅書都冇乜邊本係講好嘢㗎喇」,更慘係「封面套咁啱係將金生嘅肖像接咗一半」。洪永城都知金生係唔惹得,當佢被搜到本書之後,形容自己當時嚇到震。

佢一搵到嗰一刻,我成身喺度震,當地官員睇到即刻拉我入去一間房,問我本書講咩喎?我梗係話唔知啦,睇都未睇過!

之後點算好?洪永城指突然有位識講普通話嘅女士「揭開本書喺度讀」,最後擾攘一輪,要寫返悔過書就冇事。

好彩本書唔係我寫,之後佢淨係要我簽一份悔過書,要我承認本書唔係我寫、唔贊成書入邊寫嘅嘢、無意威脅金正恩嘅政權等等.....之後就俾我走,最後講咗句 "no worry, enjoy your journey"。

▲洪永城兩年前去北韓拍旅遊節目,期間更打俾黃翠如報平安。

來回地獄又折返人間,洪永城提醒想去北韓旅行嘅港人,「千其千其唔好帶北韓嘅書」,最好「delete晒電話入邊金正恩嘅圖片」。係唔係咁誇,隨你信唔信,但過來人話你知,北韓真係一個好嚴謹嘅地方,要去嘅話記得小心喇。

圖片來源:洪永城

#洪永城#北韓#悔過書#拘留#犯錯#e分鐘

相關文章
新劇做姣秘書網民狂Cap圖 李佳芯爆壓力瘡
傳翻撻洪永城 網友鬧患戀盲症 唐詩詠自爆分手後第一次約會
一聽合作嗌好悶 黃翠如嫌棄洪永城
麥美恩獻濕吻 阿Bob:我唔想㗎老婆
專欄︱假如我係洪永城(林蕾)

推介文章
街頭賣唱變網紅 羅凱鈴:其實好辛苦
同朋友開年食呢間!
「牛雜妹」李美琪教 新年暴食減肥4招
米芝蓮大廚教煮住家菜(下)
美心妹妹帶你年假放電 SuperPark三個必玩game
誰能明白我 何綺雲
荔枝角蛋包飯 聾人主理
狗年迎春攻略 Mall姐呼籲領養 玩人狗瑜伽 教毛孩逗利是
狗年迎春攻略 Mall姐呼籲領養 玩人狗瑜伽 教毛孩逗利是
陳蕊蕊、肥腸 醒你情人節冧招(伴侶篇)
闖出我天地 杜麗莎大女T.V. Carpio
裸妝最強! 5大Cushion粉底
按此閱讀臉書精彩內容

熱爆e+up


載入中…
x