《公公出宮》金菠蘿吸睛 網民力讚表情多

Fri Mar 04 2016 07:05:00 GMT+0800 (中國標準時間)

撰文︰Take it e時

唔知大家有冇睇無綫8點半嗰套《公公出宮》呢?除咗有視帝黎耀祥同太監三虎曹永廉、陳國邦同蕭正楠喺度扮乸型之外,有一位喺劇中特別吸晴嘅小童星,講緊金家嘅「金菠蘿」鄭耀軒(YiuB)。好多網民話睇電視都係為咗睇佢。

▲表情多就係鄭耀軒得網民歡心嘅原因。

喺《公公出宮》入面扮演金菠蘿嘅鄭耀軒,頂住一個冬菇頭髮型,眼仔碌碌,表情多多。查實佢今年已經八歲,依家讀緊小學二年級。

▲胡定欣同陳自瑤都要搵佢集郵。

▲喺雷霆掃毒入面得幾分鐘演出,都令網民印象深刻。

啱啱出道嗰陣都係拍下廣告同做小模特兒影相,到咗2011年先開始參與TVB嘅劇集演出,較為有印象嘅,應該係2012年《雷霆掃毒》,扮演徐子珊嘅遺腹子韋一鳴,即係同林峯喺最尾一齊種花嗰個,雖然得短短幾幕,都引起網民討論。

▲喺《載得有情人》同視帝黎耀祥做兩父子。

孺後佢嘅影視童星旅途開始發展,2014年仲同視帝黎耀祥做兩父子,合作《載得有情人》。網民都對呢位小童星評價唔錯,表情多之餘,又交到戲,最重要係佢個頭,十年如一,容易記得,一望到就有印象。所以話呢位小童星鄭耀軒前途真係無可限量。

▲早期鄭耀軒做兒童模特兒。

▲就算係食雪糕都表情十足。

▲眾女星都愛同鄭耀軒影相。

▲黃翠如曾經話自己小時侯同鄭耀軒相似。

▲冬菇頭髮型就係鄭耀軒嘅買點之一。

圖騰來源:yiubcheng

#公公出宮#金菠蘿#黎耀祥#鄭耀軒#YiuB#曹永廉#陳國邦#蕭正楠#雷霆掃毒#林峯#載得有情人#TakeItE時#推介#熱話

相關文章
活在當下 曹永廉
炒股票輸剩五千 細雞曹永廉搞雞煲發圍
武器一模一樣 《公公出宮》被指抄襲電影《皇家特工》
《延禧》演員襲港 許凱為黑面道歉 秦嵐大面撒網求偶
精選黃子華《金盆𠺘口》7大金句