公路旁停車救小貓 英勇鐵騎:唔忍心佢俾車車扁

Thu Apr 27 2017 14:02:26 GMT+0800 (中國標準時間)

撰文︰Take it e時

小動物需要我哋保護,那怕只係少少舉動,可能已經成功救返一條小生命。今朝7點幾,一隻初生小貓被發現喺沙田獅子山隧道公路上,現場車來車往,險象環生,差啲被車輾過,但好在有位熱心鐵騎士留意到小貓,仲願意停低,截停快線及中線嘅車,將小貓救走,事後呢位熱心鐵騎士喺網上向大家交代經過,並表示小貓已經冇事。

▲咁細隻小貓,喺車來車往嘅公路真係好難留意到。

呢位英勇嘅鐵騎士表示,路經時以為小貓已死,睇睇下發現原來仲識郁,起初諗住佢都可能會被車車死,但唔忍心佢被車輾過,於是落車救貓。

今朝揸電單車發現有舊野係馬路中心,回望一下,郁既(嘅)...........心諗折番(返)佢都可能比車車死,行左(咗)陣點都唔忍心,泊低車返去望望,唔救佢應該會比車車扁

▲鐵騎表示已經搵到領養人士。

事後鐵騎士表示,已經搵到有養開貓嘅人入長洲領養俾個家佢,對於咁多人關心事件,鐵騎士表示「人間有愛」,而網民亦對鐵騎士嘅舉動表示讚好,「多謝你救返BB貓,如果唔係佢真係會死」、「好人好事」!多謝你呀!

圖片來源:Kwok Kin Wai Kevin

#小貓#鐵騎#好人好事#公路#勇救#e分鐘

相關文章
鐵騎士開車跌咗後座女友落地 網民:天外飛仙
怒奔3條行車線勇救學童 鐵騎士謙稱:只係小事
鐵騎士揸「警車」出巡 網民:拍情越雙白線2?
鐵騎橫跨3條行車線救傷者 網民:感謝你伸出援手
「翻轉將軍澳」搵失物 義氣司機幫少年尋回滑板

推介文章
我們的時光 Twins
狠飛太極Ricky 戴夢夢澳門攬佬
舌戰7女星談情說性 黃浩被阿嬌KO
一個人  湯寶如
玩交友App識男仔 麥明詩約俊男high tea
翻新暫別街坊六星期 公和荳品:凡事向好方面看
洗米華大仔周柏豪:同爸爸溝通唔係太多
《警訊》被插拍得浮誇 堅哥反擊:咁係咪佢自己好醒呀?
陳自瑤怨老公少返屋企瞓 王浩信婚姻現暗湧
【挑辣星極辣挑戰賽】到底辣王辣后誰屬?
【挑辣星極辣挑戰賽】星級參賽者鬥食辣Laksa辣魚蛋
宣萱 有要求的人
按此閱讀臉書精彩內容

熱爆e+up


載入中…
x