冇陳永仁劉建明? 吳廷燁:電影角色死晒

Fri Jul 15 2016 14:15:46 GMT+0800 (中國標準時間)

撰文︰Take it e時

早前寰亞已落實拍《無間道》電視版,唔少人都好奇究竟電視版嘅劇情會係點,甚至邊個飾演劇中兩大主角-陳永仁同劉建明,話晒當年由梁朝偉同劉德華兩位影帝級人馬擔當,難免好多人都驚新角駕馭唔到,不過大家放心,故事唔會有陳永仁同劉建明,甚至可以話電影版所有角色都死晒,除咗佢……

喺電影版三集都有份參與嘅吳廷燁亦會喺電視版出現,而且角色都幾重要,呢位「張Sir」表示:

電影入面所有角色都死晒,我就接任黃秋生嘅位置,負責派卧底去劉松仁嘅黑幫家族,我仲有個責任就係要照顧陳永仁(梁朝偉飾)個女。

▲長大版由蘇麗珊飾演。

陳永仁嗰女?係呀,仲記唔記上集梁朝偉喺街上遇到對母女,嗰個咪係佢前妻同個女囉。電視版故事就係圍繞佢個女同其他人嘅故事。

▲咁算唔算有一場戲?

但《無間道》冇陳永仁同劉建明,咁仲係咪《無間道》先?吳廷燁就話兩個角色都喺劇中出現,但只係好短暫。

有一場戲講述我喺陳永仁、劉建明墳前,有佢哋兩位嘅車頭相。

▲選角方面你又鍾唔鍾意?

其實早前已經公布咗電視版嘅角色人選,兩位男主角由羅家良同羅仲謙擔正,女主角方面仲有近排憑《綠豆》再度彈起嘅廖碧兒及新一代女神蘇麗珊,其餘角色亦係由觀眾熟悉面孔充當,例如劉松仁、郭政鴻、艾威等等。

▲梁家樹表示會拍三季,每季拍12集。

嘩,成個班底都係前無綫藝人,咁會唔會變咗膠劇?前無綫製作總監、現任寰亞電視節目製作董事總經理梁家樹講明一定同無綫劇唔同,例如唔會有咁多食個麵呢啲無謂情節,話每一集都要有高潮位。

至於喺咩台播就未知,聽聞無綫都想買播放版權,唔知最後會喺咩台播呢?

圖片來源:Bernice Liu、OctoberFaces

#無間道#電視版#電影版#陳永仁#劉建明#吳廷燁#蘇麗珊#羅嘉良#羅仲謙#廖碧兒#梁家樹#膠劇#tvb#TakeItE時#即時

相關文章
逆流而上勵志小故事 真.老鼠無間道
激似的士司機 張繼聰神級變裝整蠱蘇麗珊
游學修點算好? 蘇麗珊拍片認愛顧定軒
e衫評 李嘉欣失手 蘇麗珊揀錯鞋
戀情告終 蘇麗珊認與游學修分手:性格不合

推介文章
談談情 說說性 董敏莉
LEGO首創VR過山車 今日有得玩
狗年戀事驚人預測 王菲終嫁霆鋒 陳嘉倩BB竟然……
古天樂陳豪有勁敵 猜Fing講國語冇句聽得明
《溏心3》搞笑!Bosco細31年做司棋姐細佬
網民同推做視帝 王浩信馬明你揀邊個
大人細路爭住玩室內賽車場
【日本賞楓新角度】 鳥取坐滑雪吊車睇秋色
3招健胸操
【撐小店】希望在明天
鄭丹瑞寸麥美恩:麥明詩十優,你久休!
【孖你做瑜伽】 中級雙人背部伸展
按此閱讀臉書精彩內容

熱爆e+up


載入中…
x