再有泳池變色 尿液係唔係主因?

Fri Aug 12 2016 08:00:05 GMT+0800 (中國標準時間)

撰文︰Take it e時

里約奧運問題一蘿蘿,繼奧運跳水池由藍色變成綠色後,隔離嘅水球池亦出現同樣情況。官方就一直未有就事件提供一個有說服力說法,佢哋只係猜測係水中總鹼度降低所致,平凡人聽完都唔會明㗎啦,咁幾時會變返正常先?官方就話會盡快喎。

▲兩個池有鮮明對比。

雖然未有真正原因,但美國有媒體提供咗唔少可能性俾公眾參考,睇下你又信唔信。

藻類滋生

池水轉綠可能係因為缺氯,令藻類滋生而起。跳水池水溫通常比游泳池水溫高出5至10度。溫暖嘅水溫容易滋生藻類,如果跳水池係暴露陽光下,會加速藻類滋生,呢個可能性係最大。

▲藻類滋生可能係最大原因。

過濾泳池水設備故障

銅遇上水會氧化而變成銅綠,學者就猜測可能係過濾泳池水設備故障或氧化問題所致。

▲自由神像係氧化結果。

尿液

黃尿加上藍水,係唔係可以變成綠色?係絕對可以,但前題要有大量黃尿先足以令5米深嘅跳水池變色,全場人加起嚟都未必夠,所以呢個可能性係最低。

▲全場觀眾加選手一齊發炎屙黃尿都難以令成個泳池變綠。

差劣水質

有記者指出,里約嘅水道污染相當嚴重,唔少海灘發出過水質警告,單係里約嘅科帕卡瓦納海灘過去一年被警告過5次,甚至有奧運選手投訴練水時好污糟,驚見大量垃圾,可見里約嘅水污染問題有幾嚴重。

▲除咗寨卡病毒,巴西最大嘅衛生問題就係水污染。

雖然唔少選手表示,泳池變綠冇乜影響,但冇影響唔代表可以視而不理,所以巴西要諗諗計,解決呢個問題。


#巴西#水污染#里約#里約熱內盧#泳池#綠色#尿液#銅綠#藻類滋生#TakeItE時#熱話

相關文章
土匪雞翼都冇得食 譚仔三哥:為令客人食得更安心
巴西柔術賽贏冠軍 「阿登」羅天池好打得!
遊巴西參觀奧運場館 黃紫盈大玩滑翔傘
運動員不是垃圾 歷屆選手精彩傳奇
無綫派阿叻任火炬手被狂插 黃秋生:蜀中無大將

推介文章
汪明荃 不言休
1O1O呈獻:星星美食旅客 -食日本好「西」
老公囝囝溫馨炮製 謝安琪秘錄新歌賀女滿月
星星美食旅客 - 有牛有高潮
真我個性 龐卓欣
1O1O呈獻:星星美食旅客 -亞洲極速車手遇上牛肉超人
千嬅瞞老公着護士服牀戰 丁子高嬲爆離家
1O1O呈獻:星星美食旅客 -拜見壽司之父
電影世界中的香港 檢閱《攻殼機動隊》6大取景位
白只 不一樣的平凡
李錦聯孖助手 買魚撐枱腳
1O1O呈獻:極上VR放題 目黑搵蝦釣
按此閱讀臉書精彩內容

熱爆e+up


載入中…
x