【冷知識】牛奶加朱古力會生腎石? 相沖食物咪亂食

Sun Jun 26 2016 19:00:22 GMT+0800 (中國標準時間)

撰文︰Take it e時

要食得健康,除咗要均衡飲食之外,緊係要知道有咩食物係相沖啦!如果唔小心將兩款相沖食物一齊食,小則會腹瀉胃痛,大則仲會中毒㖭呀!為咗大家嘅安全,今日就講幾個相沖食物俾大家聽,千祈唔好亂食呀!

香蕉加芋頭

每到中秋佳節,好多人都鍾意喺賞月嘅時候,食下水果同芋頭咁,不過記住唔好同時間食香蕉同芋頭呀,一齊食嘅話,會導致腹脹㗎。

▲雖然兩樣嘢都有好高營養價值,不過一齊食就會有反效果。

牛奶加朱古力

係咪估唔到呢,牛奶同朱古力係唔可以一齊食㗎!因為朱古力入面有草酸,同牛奶嘅鈣質結合,產生草酸鈣,令腸胃敏感者出現肚瀉情況。長期食用嘅話,仲有機會生腎石㖭!

▲唔少人都好鍾意飲朱古力奶,但原來係相沖㗎!

蟹加柿子

呢兩樣嘢一齊食,真係好恐怖㗎!因為柿子有單寧酸,如果食用高膽固醇嘅食物,即係蟹,就會凝固喺腸度,出現腸絞痛症狀!

▲想食個蟹同柿子啫,都要腸絞痛,好慘㗎喎!

洋蔥加峰蜜

洋蔥同峰蜜一齊食嘅話,會傷眼,引起眼睛不適,嚴重仲會失明!

▲不過普遍嚟講,洋蔥同峰蜜都唔會有機會一齊食。

只要大家一齊注意下呢啲相沖食物,咁先食得開心,食得健康呀嘛!


#冷知識#牛奶加朱古力會生腎石#相沖食物#咪亂食#恐怖#唔好亂食#TakeItE時#熱話
相關文章
多餘鞋盒點利用? 1分鐘學識整輕便手提盒
【冷知識】發白日夢可以降溫? 四個有效消暑妙法
【生活DIY】冷衫條繩甩咗點搞好? 一支飲管幫你穿返入去
冷知識系列 從便利店血案看7-Eleven特許經營
搞咩驚嚇過度? 素顏欣宜喊住直播:This is crazy
推介文章
開心快活人
劉華墮馬盆骨重創 朱麗倩緊張爆喊
【密密食小隊】 足料爆餡大水餃 兩小時刺身火鍋放題
愛老婆會發達
【跟住爸爸去福島】下世要做豬
獨家 王菲霆鋒秘密愛巢曝光
殺出個未來 朱咪咪
唐詩詠痴心錯付 洪永城冧理財女神10年
用愛關懷流浪動物 以暫養為貓狗建立溫暖家庭
有愛就有幸福 四隻開心貓咪的故事
最新郵輪海上zip line 飛越汪洋
台北私家露天溫泉 浸獨家原湯
按此閱讀臉書精彩內容

熱爆e+up


載入中…