冷鋒又殺到 亂用暖包易灼傷

Mon Feb 01 2016 12:30:06 GMT+0800 (中國標準時間)

▲天寒地凍,好多人都會用暖包,但如果使用不當,好易灼傷皮膚。

撰文︰薰 攝影︰胡景禧

暖得嗰兩日,今日寒鋒又再殺到,想用暖包保溫就要小心,因為皮膚科專科醫生話俾暖包灼傷皮膚嘅個案,每年都多不勝數。要用得安全,千祈唔可以貼住皮膚用;特別係俾子女或老人家用之前,一定要講解清楚,以免好心做壞事。

▲打開暖包之前,要睇清楚包裝標籤,尤其係「平均溫度」同「最高溫度」兩項。

保暖變灼傷

買暖包都係想保暖,但皮膚科專科醫生侯鈞翔指由於暖包成分同含量無嚴格嘅工業規格,所以唔同牌子產品喺溫度、耐熱性,甚至裝住化學物個袋都會有分別,每次換新產品,都要小心睇清楚產品說明。加上皮膚會慢慢對溫度降低敏感度,如果長時間放喺同一個位置,即使唔覺得痛,但可能已被灼傷,情況就好似溫水煮蛙一樣。要安全用暖包,候醫生建議要留意以下幾點。

▲侯鈞翔醫生話暖包最好放喺手掌用,因為對溫度嘅敏感度較強;頸、肚、大脾之類無咁敏感嘅位置,當感覺到過熱時,多數已經灼傷。

用前注意

1.買之前應該睇清楚包裝上嘅「最高溫度」、「平均溫度」標籤:40-42度已經等同被熱水淋,45-48度就足以𤆥傷皮膚。
2.用3至5分鐘就要換位,因為43度以上嘅暖包同皮膚接觸10分鐘,已經有可能灼傷皮膚至起水泡,甚至造成二級以上燙傷;同時亦應該避免直接放喺頸、肚、褲袋之類嘅位置。
3.放入貼身衣物保暖,要留意通風、散熱位充唔充足,以免暖包過熱。

▲暖包成分多數都係鐵粉、水、活性炭、蛭石、食鹽、天然礦粉幾種,雖然幾乎樣樣都會喺日常生活接觸到,不過溝埋之後就有一定危險性,所以醫生都話如果掂到就要即刻洗手。

4.由於暖包不可放在同一位置太久,所以每次最好不要用多過一個暖包,以免忘記換位灼傷皮膚。
5.如果暖包外袋損壞,應該即時將暖包棄置,並清洗雙手,避免皮膚與化學物直接接觸。

▲皮膚科專科醫生侯鈞翔指黏貼式暖包不易直接貼在皮膚上使用


#暖包#冷鋒#灼傷#皮膚#健康

相關文章
食麵包灼傷急call白車 網民插陳浩民濫用資源
屋企空氣差過馬路邊 自保要勤洗鼻
3招健胸操
【跟住爸爸去台北】探松山文創園區人氣蜂蜜小店
【孖你做瑜伽】 中級雙人背部伸展

推介文章
談談情 說說性 董敏莉
LEGO首創VR過山車 今日有得玩
狗年戀事驚人預測 王菲終嫁霆鋒 陳嘉倩BB竟然……
古天樂陳豪有勁敵 猜Fing講國語冇句聽得明
《溏心3》搞笑!Bosco細31年做司棋姐細佬
網民同推做視帝 王浩信馬明你揀邊個
大人細路爭住玩室內賽車場
【日本賞楓新角度】 鳥取坐滑雪吊車睇秋色
3招健胸操
【撐小店】希望在明天
鄭丹瑞寸麥美恩:麥明詩十優,你久休!
【孖你做瑜伽】 中級雙人背部伸展
按此閱讀臉書精彩內容

熱爆e+up


載入中…
x