出前一丁「世紀論戰」 黃秋生:最怕中式思維煮日麵

Thu Dec 01 2016 16:00:00 GMT+0800 (中國標準時間)

撰文︰Take it e時

三更半夜肚餓時,唔少人可能都會煮返個即食麵醫肚。不過最近對於出前一丁應該點煮呢個問題,網上就出現咗唔少討論,而且唔同嘅煮法派別都各有支持者,簡直可以話係「世紀大戰」。以下幾種主流煮法,你又係用邊種嘅呢?

▲出前一丁係唔少人嘅「醫肚之選」。

滾水落麵派

根據出前一丁印喺包裝上嘅「官方煮法」,將麵放入500毫升的滾水煮3分鐘就食得。而最近有「出前一丁達人」接受傳媒訪問,分享煮麵心得時都話最緊要係滾水落麵,麵身先會保持彈性;又指凍水落麵麵身就會浸淋。

▲滾水落麵係「官方標準食法」。

凍水落麵派

雖然有官方標準煮法同「達人」教路,但黃秋生喺Facebook話日式最傳統嘅煮法,其實係凍水落麵煮三分鐘;又反駁「達人」指凍水落麵唔單止唔會淋,反而會比滾水落麵更硬身。

▲秋生就指凍水落麵係日式傳統煮法。

過冷河派

撇除凍水落麵定熱水落麵嘅爭論,過冷河派主張煮完麵之後仲要先用凍水沖下個麵,咁樣麵質先會變得更彈牙。

▲過冷河係為麵質增加彈性嘅慣常做法。

其實煮出前一丁嘅煮法絕對唔止呢幾種,而味粉幾時落、點樣落;煮幾耐、幾大火煮等,都有唔同嘅爭論。不過煮麵呢家嘢,只要自己啱食就得,實在唔需要理人哋點講。但見上面幾個流派都強調麵質嘅「咬口」,咁唔知你又覺得邊個煮法煮出嚟嘅麵最有彈性呢?

▲黃秋生多年前曾經喺節目入面示範用凍水煮出前一丁。

▲最近教人滾水落麵嘅「出前一丁達人」,係出前一丁主題茶餐廳嘅東主。

圖片來源:黃秋生、Fungshuetlai

#出前一丁#凍水#即食麵#過冷河#美食#TakeItE時#熱話

相關文章
勁香麻辣延續.擔擔即食麵
【好勵志喎】月入九千養五口 梁振英:「全家」食即食麵有盈餘
煮意粉去「鹼水」遭鬧爆 Mark嫂:冇講係傳統煮法
【高手在民間】自己整 甜在心叉燒
暹粒濕身祈福 惡運被水沖去

推介文章
人緣好 兄弟多 林子善結婚多人撐
【e分鐘投票】假如你有票… 都市人心見中的特首
狠飛吳彥祖「空心」表哥 陳雅倫夜會富豪
電影不能缺少的男配角 林雪:老竇叫我拍戲先有今日
何雁詩入行8年 「父母冇諗過我仲生存緊」
同B拍戲母性大發 44歲Sammi練盆骨操造人
免電隨身咖啡機
宅男女神大戰 簡淑兒硬撼江嘉敏
東京拍飲食旅遊節目 連詩雅獲黃浩大讚
同爸爸十年冇見 林作:佢有另一頭住家
有牛有高潮! 黃浩帶連詩雅日本食靚牛
養生清涼 松茸椰青雞鍋
按此閱讀臉書精彩內容

熱爆e+up


載入中…
x