出通告呼籲家長罷睇 小學:神不喜悅同性戀

Fri Mar 17 2017 12:10:43 GMT+0800 (中國標準時間)

撰文︰Take it e時

真人版《美女與野獸》尋日正式喺香港上映,但由宣傳到播映呢一個月裡面,批評聲音四起,鬧嘅並唔係戲中演員做得好唔好,而係不滿劇情入面加插同性戀情節。由於電影評為一級,即係適合所有人士觀看,結果有反對同性戀團體發聲明呼籲大家罷,更有個別學校向家長發信,批評迪士尼更改原著童話劇情,加插男僕人愛上男主角斷背情節,並聲稱「神不喜悅同性戀」,呼籲家長不要帶孩子或讓孩子觀看此電影㖭!

神不喜悅同性戀,不要帶仔女觀看

有關通告喺網上流傳,確認為本地一間名為「國際基督教優質音樂中學暨小學」發出。通告指出,《美女與野獸》原為童話故事,但迪士尼更改劇情,加插男僕人愛上男主人的斷背情節。校方認為,學校以聖經真理教導孩子,「神創造人原本的心意,神不喜悅同性戀,所以我們呼籲家長不要帶孩子或讓孩子觀看此電影」,又指要守望孩子,「引領他們走當行的道」。家長睇完之後,仲要簽署當回條交返去學校㖭。

▲家長要簽署確認。

家長:基於宗教立場,對同性戀好敏感

普遍網民認為學校做法太誇張,指「如果一套戲可以改變到小朋友的性取向,會唔會睇得太多動畫而走去拯救世界」,亦有網民揶揄學校放錯重點,因為《美女與野獸》係「人獸交」而非「同性戀」。有家長持開放態度,唔會因為學校呼籲而決定睇唔睇呢套電影,最終權決定落喺家長手中,但同時明白校方有宗教背景,所以對同性戀好敏感。

▲網民唔認同睇到同性戀情節就會有影響。

心理專家:小朋友未必留意到,依家放大咗

有傳媒搵嚟臨床心理專家查詢,專家表示「「避得一時,未能避一世」、「出街都可能會見到」,又認為家長唔應該放焦點放喺同性戀,「其實小朋友未必留意到,主要想睇主線,宜家咁會將佢放大咗!」

▲其實佢兩個先係戲嘅重點。

迪士尼拒絕大馬刪除同性戀情節要求

唔只香港,連外地同樣對《美女與野獸》有意見,馬來西亞更要求刪除約「4.5分鐘」同性戀情節,否則不獲上映。迪士尼方面已堅決拒絕要求,並宣佈放棄喺馬來西亞上映。至於立法限制同性戀行為嘅俄羅斯,則將《美》定為 P16,即 16歲以下兒童須由成人陪同方可入場觀看。

▲大馬市民無法欣賞真人版《美女與野獸》。


#美女與野獸#同性戀#情節#反對#敏感#基督#立場#小朋友#家長#罷睇#學校#e分鐘

相關文章
Emma Watson唱《Belle》甜到漏!
不滿迪士尼加同性戀情節 家長團體:兒童被潛移默化
地點舞姿都一樣 舞者神還原《LA LA LAND》經典情節
中央政府開綠燈 准反對派申請回鄉證
支持?反對?市民點睇網絡廿三條?

推介文章
【挑辣星極辣挑戰賽】星級參賽者鬥食辣Laksa辣魚蛋
宣萱 有要求的人
豪宅同居年半 譚凱琪有米男友求婚成功
當張繼聰係菩薩 Bob:抵佢溝到謝安琪
唐詩詠狠斬2年情 踢洪永城7宗罪
專屬情人 林文龍
撬林耀聲牆腳 方力申暗溝張沛樂
科技融入生活 體驗空間美學
同時溝兩港男 陳展鵬新女友雜食
楊明 把握時機
1O1O呈獻:星星美食旅客 -東京中華料理之最高
聯名買將軍澳樓 蕭正楠黃翠如同居試婚
按此閱讀臉書精彩內容

熱爆e+up


載入中…
x