出PO澄清冇打擾羅蘭姐 家長:當時囡囡係讓座俾佢

Mon May 29 2017 11:51:32 GMT+0800 (中國標準時間)

撰文︰Take it e時

藝人行蹤一向係市民焦點,尤其係知名藝人,平時喺街上路過都會被人「野生捕獲」,而最近被「捕獲」嘅人就係羅蘭姐。82歲嘅羅蘭一向親民,尋日有市民搭車遇見羅蘭,仲同乘客有講有笑㖭!唔少人知道後,銻銻表示經常遇見羅蘭姐,仲大讚對方係好有禮、好親民。不過討論焦點除咗落喺羅蘭姐身上之外,亦落喺其中兩位乘客身上。

▲有網民暗示相中人打擾羅蘭。

其中一位車上乘客當時影低羅蘭姐同其中一位小妹妹傾偈嘅情況,事後上載到FB群組表示「見到羅蘭姐搭巴士」,但hashtag卻寫住:「請勿打搞人哋老人家」,暗示相中人打擾羅蘭,不過睇相,見羅蘭姐都笑笑口,又似被打擾喎!

▲事後家長澄清事件。

事隔一日,相中妹妹嘅家長就呢件事喺FB群組澄清,表示囡囡當時只係讓座而非打擾,而影相只係緣份,直斥影相者「看圖作文」,又諷刺對方:「你未經羅蘭姐同意偷影佢相,會唔會係你打擾佢多啲?」

▲網友指羅蘭姐本身好親民,認為佢唔覺得係打擾。

唔少網民都撐呢位家長,直指偷影者「未清楚事實真相走去批評和公審人」,認為其實成件事冇問題,而羅蘭姐表現亦相當親民,更讚小妹妹讓座之舉。所以大家記住,千祈唔好睇嘢睇一半呀!

圖片來源:Tai Po 大埔

#大埔#羅蘭#打擾#妹妹#澄清#巴士#e分鐘

相關文章
輪椅狗狗生命倒數 大埔街坊祝福:你已經好叻
大埔超貼心醫生 市民激讚:能用「醫者父母心」形容
木棉飛絮似雪花 大埔友:飄到周圍都係,呼吸困難
勁猛鬼自殺勝地? 大埔「消失的泳池」恐怖傳聞
點估到會遇𠝹褲黨 事主:原來佢哋真係好犀利

推介文章
【孖你做瑜伽】瑜伽幫你輕鬆減壓(下)
愛家的男人 黃浩然
放蛇試明星麵 麥包小儀慘敗 牛雜妹完勝
包無投訴 粉紅餐廳
彈弓吊索健身 蘇慧恩飛天收腰
【余此好味】富貴滋補 葱油涼拌蟲草花
【跟住爸爸食麻神】台灣過江龍麻神 開門七件事
祖藍大讚神秘女歌手 原來係杜麗莎大女
【跟住爸爸食麻神】黃浩教路食乜最好
皮膚又痕又乾 中醫教食無花果
燈影蓮藕 伴香煎北海道帶子皇
新咪神黃文意 VR健身練馬甲線
按此閱讀臉書精彩內容

熱爆e+up


載入中…
x