分享買書經歷收律師信 書店迫細路女公開道歉

Tue Sep 06 2016 21:20:58 GMT+0800 (HKT)

撰文︰Take it e時

買書係每個學生喺暑假必做嘅指定動作,無論係新書定舊書、單買定成套買,都希望係貨真價實,話晒都要用一個學期嘛。最近喺大埔發生一宗細路女被書店恐嚇事件,仲搞到話出律師信㖭!咩事搞成咁呀?

事緣,一位袁姓小妹妹喺大埔群組發帖,表示買書唔好去翠屏商場入面嘅漢聯書店。小妹妹聲稱去買地理書,但店主見到佢圈住數學書,就指要連埋數學書一齊買,否則就冇書。但點知幾日後,小妹妹忽然喺大埔發帖,指自己對漢聯書店作出不實指控,嚴重影響書店聲譽,仲刪埋帖道歉,惹來網友懷疑。

▲小妹妹一開始開宗明義係純粹意見。

▲之後冇耐小妹妹忽然出道歉聲明。

後來,漢聯書店以「Hon Luen」嘅假帳號發聲明,指責小妹妹作出不實指控,又指稱已向小妹妹發律師信,隨後又約見小妹妹父親,並要求對方喺大埔谷群公開道歉,仲指稱一定要得到本店肯定,帖文亦附上幾數張Whatsapp截圖,但最後又無故地刪文當冇事發生。

▲漢聯書店喺大埔谷群發聲明。

▲佢哋指稱並未有要求小妹妹連埋數學書買。

▲最後又搵家長及要求道歉。

▲書店更公開與小妹妹對話。

▲網民力撐小妹妹,怒插書店。

事件喺大埔群谷引發連串討論,網友力撐小妹妹,認為佢係俾書店威嚇,而且更有網友指稱呢間書店係出名嘅「黑店」,員工態度惡劣、又賣過翻版書、連被塗污嘅舊書都拎出嚟賣,網上亦曾流傳出「漢聯書店」抹黑鄰店嘅影片,基於以上經歷,網民一致認為小妹妹係被迫肯首,亦相信一個小妹妹唔會無理地誣衊書店。

其實小妹妹嘅威力,未必足以動員成個大埔谷群,網友咁大反應,漢聯書店或者如網友所講係有問題。而且明明係小事,又使唔使大動干戈出律師信呢?何況人哋只係一位未成年小妹妹,難怪網友都力撐小妹妹囉。

圖片來源:大埔群組

#書店#黑店#漢聯書店#小妹妹#律師信#道歉#買書#TakeItE時#即時

相關文章
林榮基再爆 曾被6度跟蹤
梁振英:兩地執法機關達兩項原則
李波太太救咗林榮基!
【銅鑼灣書店】林榮基爆料:要我將代人寄書的紀錄硬碟帶番上去!
中國航母之父 涉李波事件

推介文章
汪明荃 不言休
1O1O呈獻:星星美食旅客 -食日本好「西」
老公囝囝溫馨炮製 謝安琪秘錄新歌賀女滿月
星星美食旅客 - 有牛有高潮
真我個性 龐卓欣
1O1O呈獻:星星美食旅客 -亞洲極速車手遇上牛肉超人
千嬅瞞老公着護士服牀戰 丁子高嬲爆離家
1O1O呈獻:星星美食旅客 -拜見壽司之父
電影世界中的香港 檢閱《攻殼機動隊》6大取景位
白只 不一樣的平凡
李錦聯孖助手 買魚撐枱腳
1O1O呈獻:極上VR放題 目黑搵蝦釣
按此閱讀臉書精彩內容

熱爆e+up


載入中…
x