刪七警抽水post兼道歉 網民怒轟舒適:又要威又要笠水

Thu Feb 16 2017 15:22:20 GMT+0800 (中國標準時間)

撰文︰Take it e時

「抽水」,係現今網絡嘅文化,唔少品牌都會借社會熱話嚟作為宣傳策略,好似剃刀品牌「Schick舒適」,過去經常出post抽水,其敢言形象深入民心,最近七警案一事,舒適繼續「抽水」,但尋日(15日)有關帖文竟被刪,更喺凌晨舒適發聲明道歉,網民留言批評舒適咁做係自我審查,又要威又要戴頭盔,更揚言罷用。

▲網民認為,舒適冇正面提及係咩事,根本冇錯。

舒適於2月14日七警案判案當日上載一張電視劇《法外風雲》嘅劇照,劇中人物有拍掌叫好嘅手勢同表情,有「好嘢」、「開心」嘅意味。而舒適亦喺圖中加上字句:「今日除咗情人節之外,仲有一樣嘢值得慶祝」,並加上hastag-「耐就係耐啲,我哋有請小鳳姐」、「等咗呢日好耐」。

▲普遍網民不滿舒適今次嘅做法。

但帖文突然被刪,其後更發聲明道歉,稱「引起了一些網友對於當日突發新聞的聯想和關注」,更指「這並非我們的初衷」、「表示誠懇抱歉」。結果網民留言批評「一粒字乜嘢都無(冇)講都要delete post?」、「又要威又要戴頭盔」、「自製公關災難」、甚至有網民揚言從此轉用其他品牌。當中,大部份網民認為呢種自我審查係高層嘅指令,但呢個決定令「之前贏落嘅形象一鋪清袋」。

▲以前敢言,依家急刪文兼道歉,難怪網民會咁嬲。

其實舒適並非首次借七警案「抽水」,早喺七警案開審時,舒適亦上載圖片,當中加插「#畀人打 #天地有正氣 #大是大非面前 #七個小矮人 #邪不能勝正」等標註;再追溯前啲啲,被告律師質疑被打男子並非曾健超,舒適即時上載《唐伯虎點秋香》劇照,指「被打的人,根本唔係秋香!」,似係譏諷「七警案」。當時唔少市民大讚舒適專頁管理員,更購買舒適剃刀以示支持。所以今次舒適自我審查,網民咁大反應實屬正常。

來源:舒適fb

#舒適#笠水#自我審查#七警#刪文#道歉#e分鐘

相關文章
旅行冇得再搵關鍵 經典廣告歌重溫
《明報》執總突被炒 員工極憤怒:是香港大損失!
藝人怒斥警員唔尊重猶太人 卓韻芝:想想自己有多過分
有智慧、夠敢言 網民激讚麥明詩:近年最高質港姐
7警案全部罪名成立 周五判刑

推介文章
楊明 把握時機
1O1O呈獻:星星美食旅客 -東京中華料理之最高
聯名買將軍澳樓 蕭正楠黃翠如同居試婚
1O1O呈獻:星星美食旅客 - 兩大貼地必吃餐廳
汪明荃 不言休
1O1O呈獻:星星美食旅客 -食日本好「西」
老公囝囝溫馨炮製 謝安琪秘錄新歌賀女滿月
星星美食旅客 - 有牛有高潮
真我個性 龐卓欣
1O1O呈獻:星星美食旅客 -亞洲極速車手遇上牛肉超人
千嬅瞞老公着護士服牀戰 丁子高嬲爆離家
1O1O呈獻:星星美食旅客 -拜見壽司之父
按此閱讀臉書精彩內容

熱爆e+up


載入中…
x