劉兆銘復出同謝賢鬥戲 Ming Sir經典角色逐個捉

Thu Apr 07 2016 15:34:17 GMT+0800 (中國標準時間)

撰文︰Take it e時

又一位影視紅星復出喇!佢依家喺夜晚12點做緊嗰套《鹿鼎記》都有份演出,嗰個老謀深算嘅海公公呢!咪就係Ming Sir劉兆銘囉,啱啱就落實參演由王晶擔任監製嘅無綫新劇《賭城群英會》,已經有三年多冇拍劇,應承王晶會接演(仇大千)一角。相隔20年再演呢個角色,仲會同四哥謝賢做對手戲,戲迷一定大飽眼福。Ming Sir好戲就係人都知,你又知唔知佢演過啲咩經典角色呢?

▲再一次同四哥謝賢做對手戲,唔知會有咩火花呢?

▲當年嘅仇大千,被網民認定為賭術最高嘅人。

入行咁多年,Ming Sir參演電視劇集好多,當中有幾部劇嘅角色令人印象深刻,1981年《千王群英會》嘅仇大千,喺戲中係一個傳奇,賭界嘅神話人物,可惜都係輸俾女人。

▲當年同劉德華一齊拍嘅《獵鷹》,可以話睇住華仔成長。

1982年嘅《獵鷹》,做販毒頭目陸一帆,演活一個充滿悲劇宿命人物嘅黑暗面。

▲做金庸武俠小說嘅一燈大師,都幾似㗎!

1983年《射鵰英雄傳之華山論劍 》同《神鵰俠侶 》入面做南帝一燈大師,演得維肖維妙。

▲同一年與梁朝偉拍過《新紮師兄》同《鹿鼎記》。

1984年《新紮師兄》扮演梁朝偉父親,做一個為人縮骨,凡事利己為先嘅人,演活呢種性格。同年嘅《鹿鼎記》做海大富一角,演繹一個老太監,嗰種老謀深算,睇到人心跳加速。

▲千年樹妖姥姥,睇到有啲驚。

Ming Sir除咗拍電視劇,仲有參與電影演出,較為多人記得嘅,應該係1987《倩女幽魂》,當時扮演千年樹妖姥姥,佢嗰條長舌,嚇親唔少人,劇中仲同張國榮、王祖賢有唔少對手戲,演繹得非常出色。

▲2011年拍《Laughing Gor之潛罪犯》,之後就冇再拍電影。

近年喺《Laughing Gor之潛罪犯》囓演出都得到網民喜愛。Ming Sir好戲之餘,跳舞亦好勁,佢係首位為法國舞蹈家編舞嘅華人。第一位喺國際間嶄露頭角嘅香港舞蹈家,曾經喺比利時二十世紀芭蕾舞團中擔任舞者及編導,認真威水!


#劉兆銘#謝賢#MingSir#賭城群英會#王晶#無綫新劇#仇大千#千王群英會#倩女幽魂#TakeItE時#推介#熱話

相關文章
無綫重播梁朝偉版《鹿鼎記》 32年後一眾主角變成點樣?
真人騷又跳又唱 80歲謝賢精壯賺人仔
被謝賢兜巴星冇嬲 曾江:「可能我篤到佢痛處。」
G-1變U-1格鬥會 網民惡搞ViuTV節目
網民心目中的《矛盾旅行》 安德尊、李錦聯榮膺最佳組合

推介文章
當張繼聰係菩薩 Bob:抵佢溝到謝安琪
唐詩詠狠斬2年情 踢洪永城7宗罪
專屬情人 林文龍
撬林耀聲牆腳 方力申暗溝張沛樂
科技融入生活 體驗空間美學
同時溝兩港男 陳展鵬新女友雜食
楊明 把握時機
1O1O呈獻:星星美食旅客 -東京中華料理之最高
聯名買將軍澳樓 蕭正楠黃翠如同居試婚
1O1O呈獻:星星美食旅客 - 兩大貼地必吃餐廳
汪明荃 不言休
1O1O呈獻:星星美食旅客 -食日本好「西」
按此閱讀臉書精彩內容

熱爆e+up


載入中…
x