勁猛鬼自殺勝地? 大埔「消失的泳池」恐怖傳聞

Mon Mar 13 2017 18:10:00 GMT+0800 (中國標準時間)

撰文︰Take it e時

泳池或者會令你聯想起歡樂時光,但如果嗰個係荒廢咗十幾年嘅泳池呢?尋日有市民上載喺大埔一個荒廢游泳池影到嘅相,引起網民討論,唔少人都話影得好恐怖。而更得人驚嘅係,關於呢個荒廢多年嘅泳池,似乎亦有唔少恐怖傳聞……

▲到底係個游泳池真係咁恐怖,定只係影得好恐怖呢……

年年有人自殺?

游泳池附近有個多層停車場,有網民指咁多年間不時都會有人喺嗰度跳樓落泳池自殺,甚至有人稱嗰度係「自殺勝地」,聽到都覺恐怖!

▲傳說中嘅「自殺勝地」?

勁猛鬼?

既然都傳得不斷有人死,猛鬼都好正常。俗語都話「寧可信其有,不可信其無」,加上廢墟向來都會俾人傳鬧鬼,有冇人有撞鬼經歷分享下先?

▲猛唔猛鬼真係唔知,但夜晚真係唔會敢入嚟。

特別容易浸親?

當年游泳未荒廢,好多人都曾經去過嗰度游水。但唔少網民留言,都指自己曾經喺游池幾乎遇溺,甚至有傳聞當年真係有小朋友喺游泳遇溺而死……

▲荒廢嘅游池全貌。

泳池底填極唔平?

有傳聞指泳池底填極都唔平,唔通就係易浸親嘅原因?其實當年泳池底部確實出現咗沉降同滲水嘅問題,而維修成本高昂都直接令泳池資金周轉不寧。至於填唔平係咪因為「有嘢」,真係唔知喇……

▲到底嗰邊係咪真係咁猛鬼呢?

既然係傳聞,真係信不信由你。其實呢個公眾泳池本來由大埔體育會經營,但喺經營不善之下泳池最終喺1999年因為入不敷支而關閉,結果就一直荒廢直到今日。雖然泳池喺2002年曾經準備重建,但最後計劃由於承建商糾紛問題爛尾;加上政府喺2008年收回土地之後,一直冇提出新嘅發展計劃,亦對區內要求重建嘅聲音冇回應,所以呢個泳池就白白空置咗成十幾年。究竟呢個泳池會唔會有「重獲新生」嘅一日呢?相信呢個問題,大家都好想知道。

▲近年大埔社區主任梅少峰都曾經向政府反映重建問題。

▲你以前又有冇喺呢個泳池游過水呢?

▲不過傳聞可唔可信,真係交俾大家判斷喇。

圖片來源:Nights SO、We周報

#大埔#游泳池#荒廢#自殺#恐怖#靈異#TakeItE時#熱話

相關文章
輪椅狗狗生命倒數 大埔街坊祝福:你已經好叻
大埔超貼心醫生 市民激讚:能用「醫者父母心」形容
木棉飛絮似雪花 大埔友:飄到周圍都係,呼吸困難
出PO澄清冇打擾羅蘭姐 家長:當時囡囡係讓座俾佢
點估到會遇𠝹褲黨 事主:原來佢哋真係好犀利

推介文章
古天樂陳豪有勁敵 猜Fing講國語冇句聽得明
《溏心3》搞笑!Bosco細31年做司棋姐細佬
網民同推做視帝 王浩信馬明你揀邊個
大人細路爭住玩室內賽車場
【日本賞楓新角度】 鳥取坐滑雪吊車睇秋色
3招健胸操
【撐小店】希望在明天
鄭丹瑞寸麥美恩:麥明詩十優,你久休!
【孖你做瑜伽】 中級雙人背部伸展
【孖你做瑜伽】 搵個partner幫你輕鬆拉筋
【跟住爸爸食燕窩】唔使一嚿水 燕窩食滿咀
最叻星二代 倫子譚曉風攬女示眾
按此閱讀臉書精彩內容

熱爆e+up


載入中…
x