北上拍劇做主角 李國麟:係TVB唔預我之嘛

Thu Jan 12 2017 20:30:00 GMT+0800 (中國標準時間)

撰文︰Take it e時

李國麟最近喺大陸網劇擔正做主角,海報上面仲要大大個印住佢個樣,但李國麟接受報章訪問時嘅一句:「上面(喺大陸做主角)都幾密吓,係TVB啲poster唔係好預我之嘛」,講笑之餘似乎都隱含咗少少無奈嘅感覺喎!

李國麟:「(係咪第一次做主角?)唔係,上面(大陸)都幾密吓,係TVB啲poster唔係好預我之嘛,哈哈哈。」

▲成個大頭,一睇就知戲份最重啦!圖為大陸網劇《超能少年三部曲之宿命之戰》嘅海報。

其實自1974年加入無綫藝訓班,堅持幕前演出至今,李國麟都可以話係經驗豐富嘅老戲骨,但喺無綫劇集演嚟演去做勻唔同角色,卻始終冇機會做主角擔大旗,確實係令觀眾欣賞唔到佢嘅更大發揮。李國麟做配角都有過唔少經典演出,無綫會唔會考慮俾次機會佢做主角呢?

至於無綫劇集安排方面,李國麟就話:「TVB安排好曳,大家有留意,一個演員如果幾重戲,隨時會令觀眾睇到混淆,我以一個觀眾立場就覺得好有問題,作為一個擁有龐大財產嘅公司,係糟蹋咗。」

《男親女愛》 鮑一柱

李國麟喜劇細胞絕對唔睇得少,喺劇集同毛小慧「大鬥法」,點樣可以用演技令觀眾投入之餘,又唔會顯得浮誇。

▲經典中嘅經典!

《宮心計》 馬元贄

做「公公」都唔係一味靠陰聲細氣就得㗎,李國麟演活太監掌握大權時嗰種囂張、霸道,令到觀眾完全感受到佢有幾惡毒,絕對係佢演得最出色嘅奸角之一。

▲呢套劇入面,李國麟完美示範咩叫奸到出汁。

《回到三國》劉備

唔做奸角做仁君,有王者風範之餘亦演繹到劉備嘅魅力,少啲演技都唔得!同馬國明嘅對手戲亦都贏得唔少觀眾讚賞。

▲每個眼神都流露出精湛嘅演技。

《無雙譜》九千歲

喺劇集入面以唔同造形同時飾演唔同角色,精湛演技令人睇落自然唔造作,可見功力深厚。

▲喺劇集入面以唔同造形同時飾演唔同角色,精湛演技令人睇落自然唔造作,可見功力深厚。

李國麟演咩似咩,經典角色真係多到數唔晒……你又最鍾意佢演嘅邊個角色呢?

圖片來源:TVB

#李國麟#男親女愛#宮心計#綠葉#配角#網劇#北上#TakeItE時#熱話

相關文章
李國麟錫囡囡被轟變態 大陸網民:真懷疑是不是你親女兒
唱《藍天》嗰個就係佢 新人陳明憙翻唱子華經典歌
痛失陳展鵬 胡定欣獲馬浚偉煲靚湯
去橫店拍劇個多月 馬明黃心穎酒店培愛
無綫為救收視用舊將 網民:平均年齡係咪50歲

推介文章
最叻星二代 倫子譚曉風攬女示眾
活在當下 曹永廉
買靜安區5千萬豪宅 城城跟妻女移居上海
西關大少李家鼎 教你中式餐桌禮儀
5億買《壹週刊》玄機 黃浩寄語《壹》員工:不畏強權撐到底
尹光 三少爺的歌
做機防翻脹 苟芸慧明年嫁陸漢洋
【新加坡米芝蓮:一碟油雞 走出世界】
一人食 鹹蛋蒸肉餅
冒險時刻 C AllStar
星星美食旅客特別番外篇:東京遇上意大利(1)
我們的時光 Twins
按此閱讀臉書精彩內容

熱爆e+up


載入中…
x