原來兩年前曾中風 61歲李兆基「惡人」不再

Wed Feb 08 2017 20:22:28 GMT+0800 (中國標準時間)

撰文︰Take it e時

講起電影入面嘅惡人,你會諗起邊個就唔知,但肯定不出佢哋呢四個人,就係人稱香港影視界「四大惡人」嘅李兆基、何家駒、成奎安、黃光亮。但係歲月催人老,「大傻」成奎安及「大咪」何家駒已不在人世,李兆基亦因中風而不良於行,早已過住隱居,最近仲俾傳媒影到佢消瘦嘅樣,明明61歲但就似足80歲,只有黃光亮仍然活躍於影圈。

「吹水基」李兆基

人稱「吹水基」嘅李兆基,拍過無數套電影,係圈中既能演惡又能搞笑嘅綠葉,近年甚少露面嘅基哥,原來早兩年曾經中風,搞到口齒不清,出入更加要拐杖攙扶。最近有傳媒喺九龍城影到李兆基,佢表示自從病咗之後,冇再搵過圈中人,怕人哋覺得佢係借錢,如今過住隱居生活。不過基哥依家冇工作冇收入,只能靠社團兄弟接濟,難怪基哥都自嘲:「之前我做監製,可以顧好多人,但依家我冇能力。」

▲61歲嘅李兆基睇落似80幾歲。

▲基哥已經冇喺幕前出現。

「傻標」黃光亮

黃光亮依然活躍於影圈,不過已經「改邪歸正」,最近由阿Bob(林盛斌)擔正嘅賀歲片《我要發達》都有重要一角,早兩年接拍幾套劇集,當中以《老表》系列入面嘅搞笑演出最為人熟悉。不過,2年上喺電影《一獄一世界:高登闊少蹲監日》入面,再同「大咪」一齊演犯人,猶如當年嘅《監獄風雲》,只可惜電影宣傳期間,「大咪」因病離世……

▲近年黃光亮已轉型拍喜劇。

「大咪」何家駒

從來只演壞人角色嘅何家駒,當年憑《監獄風雲》嘅「大咪」一角成名,更獲得香港電影金像獎「最佳男配角」提名,自此奠定其惡人形象,及後幾套電影入面喪盡天良嘅演出,亦獲得「香港演藝圈惡人之首」稱號。不過現實中「大咪」只有惡嘅形象而冇惡嘅本質,強調唔會傷害人,對長輩都好孝順。駒哥一一生未婚,膝下亦無兒女,臨走前亦無人探病,最終孤身於香港醫院去世……

▲大咪呢個角色,絕對係經典。

「大傻」成奎安

「大傻」惡人形象深入民心,但唔好俾佢粗獷外形呃到,私底下嘅大傻係好善良嘅好人,所以圈中人緣甚好。而「大傻」鏡頭以外,更加係一位受人愛戴嘅村長,曾經爆冷擊敗連任12年嘅對手,更加5度連任西貢南圍村村長一職,足見大傻生前人緣甚佳,但可惜同時患上鼻煙癌,於09年去世,享年54歲。

▲現實中嘅「大傻」,一啲都唔傻,仲好好人。

圖片來源:twgreatdaily、基督日報

#四大惡人#李兆基#吹水基##傻標#黃光亮#大咪#何家駒#大傻#成奎安#熱話#TakeItE時

相關文章
徐子淇孻仔百日宴 建熹新相cute到爆
劏狗預備玉林狗肉節? 動保組織直擊血腥屠宰場
泳裝照吸負評惹人身攻擊 欣宜:點解要咁嬲?
閒逛咖啡市集
馬路地裂變噴泉 筲箕灣恐怖水浸奇景

推介文章
宣萱 有要求的人
豪宅同居年半 譚凱琪有米男友求婚成功
當張繼聰係菩薩 Bob:抵佢溝到謝安琪
唐詩詠狠斬2年情 踢洪永城7宗罪
專屬情人 林文龍
撬林耀聲牆腳 方力申暗溝張沛樂
科技融入生活 體驗空間美學
同時溝兩港男 陳展鵬新女友雜食
楊明 把握時機
1O1O呈獻:星星美食旅客 -東京中華料理之最高
聯名買將軍澳樓 蕭正楠黃翠如同居試婚
1O1O呈獻:星星美食旅客 - 兩大貼地必吃餐廳
按此閱讀臉書精彩內容

熱爆e+up


載入中…
x