原隻冰鮮乳豬影入鏡 網民炮轟肥媽節目:好不安

Fri Apr 28 2017 17:01:28 GMT+0800 (中國標準時間)

撰文︰Take it e時

肥媽同陸浩明呢對「母子拍擋」主持嘅飲食節目《食平D》系列,原來已經去到第6輯。劇集能夠不斷添食,最主要原因當然係有收視保證,加上肥媽同陸浩合作甚有火花,深得觀眾喜愛,但最新一輯嘅《阿媽教落食平D》卻被觀眾踩台,點解?

▲真係睇到有啲不安。

事緣節目安排肥媽同陸浩去買冰鮮豬肉食材,佢哋隨手拎起兩隻完整嘅冰鮮乳豬,仲要大頭影住,眼耳口鼻清楚睇到,期間陸浩幽默地問肥媽係咪去咗「生物館」,但觀眾見到原隻冰鮮乳豬真係笑唔出,直斥反感不安。

▲網民都話頂唔住,好嘔心。

網民表示場面極度不安,形容身邊朋友睇到都唔開胃-「連身邊肉食的朋友都覺得殘忍不安」、「食你就食,唔好揸住佢來舞」,又認為包裝咗唔代表睇落冇反感,「人哋BB乳豬嚟」、「見其生不欲見其死」。

▲麥志豪認為豬都有生命,唔應該賤視豬。

非牟利獸醫服務協會執行主席兼專欄作者麥志豪亦留意到呢一幕,喺Facebook直斥節目冇品,認為唔應該賤視豬嘅生命,又Hashtag指「唔係話你冇品只係話你核凸。」

我當然唔夠膽話佢地有錯,否則好多人又會撲出來話我係道德L動物膠!但真心,飲食節目啫,唔好咁賤視生命啦!豬,都有阿媽生架!

▲網民認為唔應該將製作過程或令人不安場面播出街。

有網民指,其實節目已經唔是第一次發生類似事情,喺上幾輯時已試過拍攝一隻乳豬被燒畫面,又係影住完隻冰鮮乳豬,當時同樣引起觀眾不安。其實食肉並非問題,而係唔好將製作過程或令人不安場面播出街囉。

來源:tvb & 麥志豪Facebook

#tvb#麥志豪#肥媽#食平d#乳豬#熱話

相關文章
開live要跑數 TVB藝員玩big big channel各出其謀
點止靚足10年? 35歲唐寧《蘭花劫》仙氣現身 
《陪著你走》播到變洗腦歌 網民:使唔使濫到每集播幾次?
宣萱 有要求的人
抽水定真心? 麥明詩稱鄭俊弘係TVB首席男歌手

推介文章
最叻星二代 倫子譚曉風攬女示眾
活在當下 曹永廉
買靜安區5千萬豪宅 城城跟妻女移居上海
西關大少李家鼎 教你中式餐桌禮儀
5億買《壹週刊》玄機 黃浩寄語《壹》員工:不畏強權撐到底
尹光 三少爺的歌
做機防翻脹 苟芸慧明年嫁陸漢洋
【新加坡米芝蓮:一碟油雞 走出世界】
一人食 鹹蛋蒸肉餅
冒險時刻 C AllStar
星星美食旅客特別番外篇:東京遇上意大利(1)
我們的時光 Twins
按此閱讀臉書精彩內容

熱爆e+up


載入中…
x