又一藝人北上發展 劉玉翠執咪再唱歌

Tue Jan 05 2016 22:24:40 GMT+0800 (中國標準時間)

▲劉玉翠又再露面!今次唱嘅係《偏偏喜歡你》。

大家記唔記得劉玉翠?佢離開咗TVB之後轉投港視,但公司不獲發牌,條路好似更難行?唔緊要,大陸永遠有市場!最近仲喺內地演唱,不過我都係想聽返佢唱封神榜嗰句:血耗盡~

▲當年只不過係新人,竟然攞到2個金像獎,不過就選擇咗電視台。

▲內地節目上,佢話「我唔希望我辛辛苦苦演戲演咗咁多年,我先得一個『阿紫』」。

其實劉玉翠一入行就憑《廟街皇后》攞到「最佳女配角」和「最佳新人獎」,好威威豬!只係估唔到呢個已經係佢嘅高峰,喺TVB始終做唔到主角,喺內地節目,一次過講返自己嘅演員血淚史,搞掂咗大陸市場。

▲劉玉翠喺TVB演過唔少角色,有《天龍八部》入面嘅阿紫同《西遊記》中苦戀孫悟空嘅蜘蛛精。

出過4張專輯嘅佢都攞過十大中文金曲最有前途新人銅獎。但又係為咗拍電視劇而放棄歌唱事業。早前喺內地頒獎禮上,佢有機會再開金口,翻唱陳百強嘅經典歌《偏偏喜歡你》,靚聲演繹令網民大讚「好好聽」。

▲劉愷威去內地發展點止掂呀?仲娶咗個靚老婆楊冪。當日睇住劉玉翠演唱嘅佢,應該好有感觸。

大陸觀眾一向對香港藝人幾受落,唔好話個個藝人北上搵人仔,可能係香港留唔住人啫!好似當日頒獎禮上同場嘅劉愷威,大陸主攻電影市場,所以大陸市場咁大,點會容不下一個歌、影、視三棲嘅劉玉翠呢?


#劉玉翠#偏偏喜歡你#劉愷威#北上發展#推介#熱話

相關文章
劉愷威豪花3千萬購入灣仔商廈
西關大少李家鼎 教你中式餐桌禮儀
5億買《壹週刊》玄機 黃浩寄語《壹》員工:不畏強權撐到底
尹光 三少爺的歌
做機防翻脹 苟芸慧明年嫁陸漢洋

推介文章
西關大少李家鼎 教你中式餐桌禮儀
5億買《壹週刊》玄機 黃浩寄語《壹》員工:不畏強權撐到底
尹光 三少爺的歌
做機防翻脹 苟芸慧明年嫁陸漢洋
【新加坡米芝蓮:一碟油雞 走出世界】
一人食 鹹蛋蒸肉餅
冒險時刻 C AllStar
星星美食旅客特別番外篇:東京遇上意大利(1)
我們的時光 Twins
狠飛太極Ricky 戴夢夢澳門攬佬
舌戰7女星談情說性 黃浩被阿嬌KO
一個人  湯寶如
按此閱讀臉書精彩內容

熱爆e+up


載入中…
x