又有馬仔人道毀滅 連環墮馬事件最慘「主角」

Fri Nov 11 2016 10:25:00 GMT+0800 (中國標準時間)

撰文︰Take it e時

最近賽馬界接連發生墮馬事件,除咗早前嘅華人騎師蘇狄雄同梁家俊,尋晚(11月9日)嘅快活谷夜賽,見習騎師黃皓楠同意大利裔騎師李寶利都墮馬出事。但當有人只關心比賽情況或者騎師嘅傷勢,你又有冇諗過馬匹嘅情況?好似黃皓楠策騎嘅「飛皇騰達」,倒地之後就因傷重而被人道毀滅,而其實好多賽馬用嘅馬匹都面對緊唔同嘅「困境」。

▲近日香港跑馬賽事發生多宗墮馬事故。

人道毀滅

賽馬比賽中,馬匹跑緊嘅時候每隻腳承受嘅衝力特別大,一旦失蹄或者撞欄,往往就會發生嚴重骨折。而斷腳受傷嘅下場就好似今次咁,通常都會被人道毀滅。

▲斷腳馬仔嘅下場通常係人道毀滅。

各種傷患

部分騎師為咗提升馬匹表現,會以過量操練甚至藥物催谷馬匹。而如果馬匹太頻繁出賽,除咗會積累唔少傷患,更可能會出現流鼻血等過勞徵狀,甚至暴斃馬場。

▲上個月梁家俊策騎嘅馬隻「卡加動力」喺賽事中突然失控倒地,抽搐之後當場暴斃死亡。

快馬加鞭

賽馬比賽大多會限制用鞭嘅尺度,但除咗唔同地區國家嘅尺度唔一樣,如果騎師喺訓練時用鞭不當,亦都會為馬匹帶嚟不必要嘅傷害。

▲香港有關用鞭嘅規條。

香港嘅賽馬制度相對完善,大多騎師亦對馬匹愛護有加,不過業界難保會出現害群之馬,而好多地區對賽馬馬匹嘅保護機制亦不足夠。多了解同關注賽馬條例,改進可以改善嘅地方,相信賽馬呢樣活動先會有更健全嘅發展。

▲你又點睇賽馬呢樣活動呢?

▲希望每個騎師都可以愛護馬匹。

圖片來源:TVB、香港賽馬會

#賽馬#連環墮馬#愛護動物#騎師#TakeItE時#熱話

相關文章
輸起跑贏終點 巴基之星獲封「馬場版保特」
馬上派對! 藏民傳統賽馬節
投票選最愛騎師 贏兩萬蚊信用卡簽帳
【新女神駕到?】賽馬主持李潔瑩性感摸狗片瘋傳
大熱兔公仔殺入香港 新加坡愛協:係用真皮毛

推介文章
最叻星二代 倫子譚曉風攬女示眾
活在當下 曹永廉
買靜安區5千萬豪宅 城城跟妻女移居上海
西關大少李家鼎 教你中式餐桌禮儀
5億買《壹週刊》玄機 黃浩寄語《壹》員工:不畏強權撐到底
尹光 三少爺的歌
做機防翻脹 苟芸慧明年嫁陸漢洋
【新加坡米芝蓮:一碟油雞 走出世界】
一人食 鹹蛋蒸肉餅
冒險時刻 C AllStar
星星美食旅客特別番外篇:東京遇上意大利(1)
我們的時光 Twins
按此閱讀臉書精彩內容

熱爆e+up


載入中…
x