又玩宮廷鬥爭 劉心悠周秀娜踩入無綫拍古裝劇

Thu Oct 27 2016 11:32:11 GMT+0800 (中國標準時間)

撰文︰Take it e時

無綫一向鍾意重播舊時好收得嘅劇集,又或者原班人馬開拍續集,最近TVB開拍3年前由楊怡同佘詩曼擔正嘅《宮心計》續集-《深宮計》,不過第二集就唔係原班人馬,冇阿怡同阿佘,搵嚟拍開電影嘅「女神」周秀娜同劉心悠,而寬別無綫廿年嘅羅霖亦係主角之一,配埋「人妻」陳煒及視后胡定欣,好似幾有睇頭喎。

▲周秀娜同劉心悠都喺大陸劇集或電影拍過古裝。

周秀娜同劉心悠都係第一次拍TVB劇,兩個都話係比劇集吸引,娜姐表示一直想拍宮廷戲,係難得好機會;至於心悠BB就話,睇到劇本之後覺得唔接對唔住自己。講到咁高質,係唔係呀?

▲當年《宮心計》好受歡迎。

啱啱回巢無綫嘅金牌監製梅小青形容呢套劇係「升級版《宮心計》」,又表示係「從事這行以來最大製作」,仲話要勁過以往嘅《宮心計》及《公主駕到》。有信心係好事,不過係宮廷鬥爭,會唔會悶啲呀?

▲羅霖對上一套劇就係《真情》。

可能因為怕悶,所以搵嚟一啲新臉孔,年過半百嘅羅霖就唔算新臉孔㗎啦,不過都叫做離開TVB都20年喇,今次重返公仔箱,佢都話考慮咗好耐,大大話話要拍6個月,但有機會唔通真係唔接?

觀眾期唔期待?你有睇開TVB咪期待囉。 


#tvb#無綫#周秀娜#劉心悠#宮廷#爭寵#鬥爭#羅霖#宮心計#深宮計#e分鐘

相關文章
瞞婚激咀Sweet到漏 史上最閃「翠如永城配」
正式宣布離巢TVB 黃宗澤經典劇集重溫
無綫鬼故節目新不如舊? 網民:播《奇幻潮》仲好
一日播黎耀祥三套劇 網民:佢真係咁好睇咩?
間接幫葉劉賣選舉廣告? 網民怒插《東張》

推介文章
見盡娛圈人情冷暖 黃翊落淚:遇熟人不敢再打招呼
人緣好 兄弟多 林子善結婚多人撐
【e分鐘投票】假如你有票… 都市人心見中的特首
狠飛吳彥祖「空心」表哥 陳雅倫夜會富豪
電影不能缺少的男配角 林雪:老竇叫我拍戲先有今日
何雁詩入行8年 「父母冇諗過我仲生存緊」
同B拍戲母性大發 44歲Sammi練盆骨操造人
免電隨身咖啡機
宅男女神大戰 簡淑兒硬撼江嘉敏
東京拍飲食旅遊節目 連詩雅獲黃浩大讚
同爸爸十年冇見 林作:佢有另一頭住家
有牛有高潮! 黃浩帶連詩雅日本食靚牛
按此閱讀臉書精彩內容

熱爆e+up


載入中…
x