叮噹保全叔逝世一週年回顧特輯

Sat Jan 02 2016 16:45:00 GMT+0800 (中國標準時間)


撰文:Take it e時

一年前嘅今日,聲演叮噹嘅資深配音員林保全,於睡夢中去世,終年63歲。呢個消息,震撼每一個聽過佢把聲嘅香港人,事關嗰陣時,我哋仲憑歌寄意:「叮噹可否不要老」,同時又時值叮噹嘅3D大電影即將上映,當中預告片一句嘅:「我唔可以再留喺度,真係要走喇!」,一語成讖。

▲《叮噹3D》電影笑中有淚、淚中有笑

保全叔嘅逝世,就好似一個由細到大都陪住你成長嘅朋友突然離開,令人無法接受,當日幾多人為咗保全叔而淚流滿臉?佢把聲,真係陪伴唔少人走過人生不同階段,由細細個到今日結埋婚、生埋仔,都仲可能係聽緊保全叔配嘅叮噹聲。

▲我哋其實每一個人都係大雄

保全叔同叮噹已經融為一體,而我哋每一個都曾經希望好似大雄咁擁有一隻好似叮噹咁嘅機械貓,但我哋唔想成為好似大雄咁冇用嘅人,但當保全叔離開之後先發現,我哋每一個人其實都係大雄,都係咁唔可以冇咗佢。

▲不知不覺原來已經一年週

轉眼間原來已經過去一年,就好似用咗時間布,令時間加快,快到好似只係無幾耐嘅事。

▲無綫曾喺故事為面交代叮噹轉聲一事

可能而家你會叫佢多啦a 夢,但其實更多人鍾意叫佢叮噹,夠親切嘛;同樣,黃昕瑜已取代保全叔成為新一任叮噹配音員,但點樣習慣新嘅配音,我哋始終忘不了保全叔嘅親切聲音。

▲林保全從事配音44年,為唔少劇集、卡通片、旁白配音

無論係熊貓博士、甲蟲獸、林源三、定係千奇百趣嘅旁白、甚至係其他角色,保全叔把聲總喺你腦海留下一絲餘韻,就好似食咗一塊記憶面包,永遠都記得。

▲林保全演活咗卡通人物叮噹

今時今日,我哋仍然喺唔同地方同渠道聽到保全叔把聲,嗰刻先發現,原來保全叔把聲,一直都冇離開過我哋。但有樣嘢,始終冇變,叮噹、林保全,我哋真係好掛住你。


#林保全#叮噹#多啦A夢#配音#一週年#即時#影片

相關文章
唔使用筆嘅 強國學生雪地用腳畫叮噹
3隻紙杯搞掂 日藝術家自製叮噹動畫
360度遊走野比家 大雄屋企大起底
曉治積曼為《盧根》後期配音 鬍鬚造型竟是特效?
J2播大陸劇不設粵語配音 觀眾焗聽普通話原聲

推介文章
【跟住爸爸食燕窩】唔使一嚿水 燕窩食滿咀
最叻星二代 倫子譚曉風攬女示眾
活在當下 曹永廉
買靜安區5千萬豪宅 城城跟妻女移居上海
西關大少李家鼎 教你中式餐桌禮儀
5億買《壹週刊》玄機 黃浩寄語《壹》員工:不畏強權撐到底
尹光 三少爺的歌
做機防翻脹 苟芸慧明年嫁陸漢洋
【新加坡米芝蓮:一碟油雞 走出世界】
一人食 鹹蛋蒸肉餅
冒險時刻 C AllStar
星星美食旅客特別番外篇:東京遇上意大利(1)
按此閱讀臉書精彩內容

熱爆e+up


載入中…
x