可以點幫區內長者? 「蕃茄婆婆」事件的啟示

Fri Nov 04 2016 12:15:00 GMT+0800 (中國標準時間)

撰文︰Take it e時

日前有網民發文分享,指見到喺街邊賣蕃茄嘅婆婆俾師奶壓價,於是「路見不平」咁幫婆婆買晒啲賣相較差嘅蕃茄。唔少人睇完之後,除咗對師奶嘅行徑表示憤怒之外,都欣賞發文者嘅行動,大讚佢主動關心社區入面嘅老人家。

▲網民日前分享嘅呢單「蕃茄婆婆被壓價事件」,喺網上引起廣泛迴響。

其實香港呢類「蕃茄婆婆」數量唔少,佢哋大多都係想自食其力,為生計而喺街上擺賣。而社區入面亦有更多長者需要關注,好似獨居老人、隱蔽長者、甚至係要露宿街頭嘅老人家,想要實際咁幫到佢哋,以下方法都可以試試:

幫手購買

好似今次發文嘅網民咁直接幫襯老人家買嘢,既俾到佢哋即時收入,又可以等佢哋早啲收工唔使捱熱捱凍,係一次性幫助嘅好方法。

▲好似今次網民幫婆婆買晒賣相差嘅蕃茄,都係實際嘅幫助。

主動伸出援手

對於普遍嘅老人家,主動提供物資或者食物,係最實際嘅幫助。老人家或者會因面子問題而唔肯接受,所以可以試用「買多咗」「係唔要嘅」呢類說辭令佢哋容易接受。

▲依家天氣凍,如果主動為長者送上禦寒衣物,絕對會幫到佢哋㗎!

支持社福機構

如果唔習慣親身接觸幫助老人家,捐款俾可靠嘅機構、購買愛心飯堂嘅飯券等措施都係可行嘅做法。透過機構分配資源,區內長者都可以得到更適切嘅幫助。

▲社區有唔少愛心飯堂,明哥嘅「北河同行」就係一例。

關心

除咗金錢同物資上嘅幫助,得閒同老人家傾下計、問下佢哋近況,亦都一樣重要。好多老人家未必有兒孫或者另一半陪伴,心底都渴望有人關心,你嘅問候同埋傾談,絕對可以令佢哋感受到社區有愛!

▲社區內實在有太多老人家需要幫助,幫得就盡量幫!

圖片來源:Vriko

#蕃茄婆婆#長者#關心社區#老人#TakeItE時#熱話

相關文章
潮爆新年改編歌 老友記賀歲版PPAP網民勁讚
老人亂過馬路唔使罰? 警隊宣傳片玩自爆
鄺美雲帶愛犬探訪長者 C Allstar釗峰:今日好值得嚟
阻街被趕拾荒悲歌 紙皮婆婆:我推去邊度呀?
孖黃浩送暖 徐淑敏:老公想照顧下啲老人家

推介文章
我們的時光 Twins
狠飛太極Ricky 戴夢夢澳門攬佬
舌戰7女星談情說性 黃浩被阿嬌KO
一個人  湯寶如
玩交友App識男仔 麥明詩約俊男high tea
翻新暫別街坊六星期 公和荳品:凡事向好方面看
洗米華大仔周柏豪:同爸爸溝通唔係太多
《警訊》被插拍得浮誇 堅哥反擊:咁係咪佢自己好醒呀?
陳自瑤怨老公少返屋企瞓 王浩信婚姻現暗湧
【挑辣星極辣挑戰賽】到底辣王辣后誰屬?
【挑辣星極辣挑戰賽】星級參賽者鬥食辣Laksa辣魚蛋
宣萱 有要求的人
按此閱讀臉書精彩內容

熱爆e+up


載入中…
x