歌詞背後有段故 黃偉文:長島冰茶真有其事

Fri Feb 03 2017 11:54:00 GMT+0800 (中國標準時間)

撰文︰Take it e時

//朋友……我當你一秒朋友……朋友……我當你一世朋友……奇怪過去再不堪回首……懷緬時時其實還有//

當年呢首《最佳損友》,係黃偉文寫俾陳奕迅嘅歌,但似乎故事並唔係講緊Eason,而係憑歌寄意,由佢把口唱出自己當年同楊千嬅嘅友情關係。今日係千嬅43歲生日,黃偉文亦有祝賀對方,更喺FB貼上5年前楊千嬅喺自己個人作品展上演繹嘅《可惜我是水瓶座》,更感性地道出呢首歌背後,與自己及楊千嬅嘅一個小故事。

▲黃偉文喺Fb講返《可惜我是水瓶座》嘅背後故事。

「長島冰茶」真有其事

黃偉文表示《可惜我是水瓶座》呢首歌嘅歌詞,係填詞人憑幻想投射到歌手身上,除咗有一點係真人真事,就係長島冰茶(Long Island Iced Tea)。

要是回去沒有止痛藥水……拿來長島冰茶換我半晚安睡

據黃偉文展述,當晚(大概2002年之前),楊千嬅收工後獨自去咗自己經常飲酒嘅夜店,然後連續點咗8杯Long Island Iced Tea。當時千嬅乜嘢都冇講只係不斷飲酒,而自己亦冇過問究竟偶爾令千嬅哭崩嘅係邊個,因為佢只想靜靜地陪佢飲,直到扶佢上的士。黃偉文表示,雖然佢好想知道究竟係邊個,但最後都冇問到,更形容呢個做法就係「做朋友的最終極境界」。

▲長島冰茶係一種有紅茶色澤與口味嘅雞尾酒。

最佳損友到最好的債

黃偉文同楊千嬅嘅友誼關係,一直係茶餘飯後嘅話題。有傳當年黃偉文不滿對方重視林夕嘅詞而忽略自己嘅作品;亦有指楊千嬅直斥黃偉文填嘅詞唔掂,從此關係決裂,接近10年未有合作,直至YY Concert,大住肚嘅楊千嬅擔任嘉賓,連唱三首歌後再同手推bb車兼拎花嘅黃偉文擁抱,而隨即更響起陳奕迅嘅《最佳損友》,難免令人串連起成個故事。2015年,黃偉文送咗首《最好的債》俾對方,疑似呼應《最佳損友》;其後楊千嬅開演唱會,黃偉文亦擔任嘉賓,再次喺台上相擁。

我只盼今生可釋懷……記掛與你分享的天涯……和你結過那些黨派……你是最好那段債

▲上圖為楊千嬅擔任YY Concert嘉賓;下圖為黃偉文擔任楊千嬅2015演唱會嘉賓。

見你現在過得幸福我就安心了

由友好到決裂再重新修舊好,彷彿經歷一個循環,如今楊千嬅與丁子高愛得幸福,家庭生活亦美滿,作為好友嘅黃偉文亦相當安慰:「見你現在過得幸福,我就安心了。」

最後留低一句:「楊小姐,生日快樂。」

就已足夠。

▲朋友,我當你一世朋友。

圖片來源:黃偉文 Wyman Wong

#黃偉文#楊千嬅#wyman#可惜我是水瓶座#長島冰茶#朋友#e分鐘

相關文章
群星賀Wyman生日 平胸吳君如着透視裝冇料到
欣宜最「懶」MV出爐 黃偉文:歌詞都未填好
e衫評 鄭伊健、郭偉亮男人魅
《好心分手》經典重溫 黃偉文:我翻唱率最高作品
「廣東歌一定比亞視永恆」 填詞人黃偉文林夕再爆金句

推介文章
當張繼聰係菩薩 Bob:抵佢溝到謝安琪
唐詩詠狠斬2年情 踢洪永城7宗罪
專屬情人 林文龍
撬林耀聲牆腳 方力申暗溝張沛樂
科技融入生活 體驗空間美學
同時溝兩港男 陳展鵬新女友雜食
楊明 把握時機
1O1O呈獻:星星美食旅客 -東京中華料理之最高
聯名買將軍澳樓 蕭正楠黃翠如同居試婚
1O1O呈獻:星星美食旅客 - 兩大貼地必吃餐廳
汪明荃 不言休
1O1O呈獻:星星美食旅客 -食日本好「西」
按此閱讀臉書精彩內容

熱爆e+up


載入中…
x