30年前追女仔秘笈流出 網民:依家講唔出口

Mon Feb 22 2016 17:27:54 GMT+0800 (中國標準時間)

撰文︰Take it e時

古語有云,書中自有黃金屋,書中自有顏如玉。書本嘅知識真係可以話無限大,就連點樣追女仔都有書睇。適逢今日元宵節,台灣有位部落客喺專頁上載一組30年前嘅舊書照片,呢本書名叫《怎樣交女朋友(正篇)》,內容淺顯易懂,原文被轉至PTT同更多網民分享,瞬間引起熱烈討論,到底呢本書有幾勁呢?

▲本書當時賣110元台幣,價錢唔平,但都有人會買。

呢本沾滿灰塵嘅老書,一啲都唔平,當時售價要110元台幣,喺嗰個年代屬於高檔書籍,但點解咁貴都有人買?因為有需求囉,唔少單身男生,總係苦惱緊點先追到女吖嘛!

▲作者就話好多男士,就係運用呢幾句開場白而成功追到女仔。

書入面最令人叫絕嘅係最後嘅精神語句,同埋五十句同異性搭訕嘅開場白,作者強調:「許多男士已運用它們,並獲得大成功。」,有網民睇完後驚嘆「原來我媽那麼好追」。

▲「妳有零錢嗎?」呢句依家都仲用到嘅。

▲句開場白咁長,背起上嚟都有少少難度。

當年嘅搭訕方式又真係幾無厘頭㗎喎!當中包括:「妳有萬金油嗎?(痛苦地說)」、「妳多久吃一次荷包蛋?」、「妳是芙蓉仙子或毛衣皇后,不是嗎?」、「妳每天洗頭嗎?」、「哇!天氣真是好!」等等,真係令人嘆為觀止。

▲呢啲開場白,你依家又會唔會用呢?

部分網民則認為30年前台灣民風純樸,只要有啲勇氣都可以追到女仔,亦有人話睇完之後難怪自己追唔到女,呢啲話實在講唔出口。但最多網民留言表示係:「我到底看了什麼?」,「通常看這類的書一定失敗」等。

▲以上十句開場白,依家你敢唔用敢用先。

▲佢呢句真係有啲深奧。

咁又係嘅,如果今時今日要你用以上呢啲開場白嚟追女,你都唔制啦!仲有機會俾人block埋Fb Acc㖭,都係算吧啦!唉~其實自己一個更開心......

圖片來源:黑貓老師Kurt

#追女仔秘笈#黑貓老師Kurt#PTT#怎樣交女朋友#無厘頭#TakeItE時#熱話#推介

相關文章
配音直播六合彩 陳奕迅即場評述咩玩法?
香港喜劇代表 周星馳的無厘頭快樂
奚夢瑤VS騷跣低 VS高層力撐:跌低唔係咩羞恥嘅事
古天樂陳豪有勁敵 猜Fing講國語冇句聽得明
菜檔阿姐偷530蚊斷正 檔主要求賠18萬:一係賠18萬,一係報警

推介文章
狗年戀事驚人預測 王菲終嫁霆鋒 陳嘉倩BB竟然……
古天樂陳豪有勁敵 猜Fing講國語冇句聽得明
《溏心3》搞笑!Bosco細31年做司棋姐細佬
網民同推做視帝 王浩信馬明你揀邊個
大人細路爭住玩室內賽車場
【日本賞楓新角度】 鳥取坐滑雪吊車睇秋色
3招健胸操
【撐小店】希望在明天
鄭丹瑞寸麥美恩:麥明詩十優,你久休!
【孖你做瑜伽】 中級雙人背部伸展
【孖你做瑜伽】 搵個partner幫你輕鬆拉筋
【跟住爸爸食燕窩】唔使一嚿水 燕窩食滿咀
按此閱讀臉書精彩內容

熱爆e+up


載入中…
x