【周末小旅行】曼谷Marvel體驗館 玩足兩粒鐘小心腳仔軟

Wed Jul 11 2018 20:11:22 GMT+0800

撰文︰美食旅客

剛剛於曼谷開設嘅Marvel體驗館,係東南亞地區唯一、亦號稱規模比美國更大。佔地過萬平方米嘅體驗館有紀念品店、Café小食店、仲有兒童天地,當然最叫人期待嘅一定係Attraction Zone遊戲專區。

Attraction Zone 一共有12關,過晒12關總共要2小時。分時段有泰文同英文解說,大家喺買票時就要揀定語言喇。

入到去頭幾關都係不斷不斷又不斷咁望住個大Mon聽解說,因為你要了解遊戲嘅背景,大意係話Marvel各英雄要對付3大壞人,咁大家呢就係新兵喇,要幫手對付壞人。故此頭幾關大家係企定定咁聽一大爛餐解說,無任何互動。老實講,係幾悶嘅,當然如果閣下係Marvel忠粉就另計啦。

雖然話聽解說悶悶地,但每關都有唔同裝置,都算係打卡位,例如去到Iron Man基地有6隻1:1嘅大型Iron Man模型等等;可惜Attraction Zone內只能影相不能拍片,大家要注意喇。

除咗一連串累贅嘅解說,最吸引當然係各個互動遊戲。其中一關係戴上3D眼鏡對住大屏幕開槍射敵人,每人每把槍都會有感應器顯示分數,分數高低……都無關係,純粹畀大家自high一番。

另有一關係喺號稱全亞洲最大360度半球形天幕再次戴上3D眼鏡睇動畫。你就當係喺大型好多倍嘅太空館內睇動畫一樣。由於畫面太大,記者建議大家瞓喺地上睇先有機會睇到全個天幕。能夠環迴又3D咁睇到英雄開戰,的確係幾刺激。

作為唔是Marvel忠粉嘅記者來說,最好玩係坐4D飛機呢一關。戴上3D眼鏡同安全帶後就開始「作戰」:好似睇4D電影一樣,你坐嘅係復仇者聯盟飛機,座位會根據劇情發展而「上天下地」,天上飛就勁大風、仲會噴水射到濕晒,Chok到勁刺激好玩,真有如作戰一樣。

到最後一關有粉絲福利,就係同各個超級英雄合照~。不過可惜無得揀角色,係隨機排到邊條隊就入房同英雄合照,可否遇到心儀角色要睇運數。



#marvel#bangkok#體驗館#曼谷#東南亞地區唯一#規模比美國大#真心粉絲必去#美食旅客#飲食#影片

相關文章
短髮冇霸氣? 網民評價雷神新look:好似徐錦江
留鬚化身港版狼人 羅莽爆肌加盟「Marvel戰隊」
Iron man登陸香港迪士尼 園區介紹搶先睇
《英雄內戰》新角色出場 美國隊長有可能會死?
周末小旅行 去曼谷LINE VILLAGE瘋狂影相打卡

推介文章
【買名牌古董袋,一定會有使用風險!】
百億富豪許世勳今出殯 新抱李嘉欣喊到鼻紅
【絕對係美魔女】着公仔T、短裙仔 53歲羅霖似三十幾
秘魯暖男為愛來港 親民價推廣家鄉菜
【仲有幾多單?】黃子恆三度撩35E迪子開房 無綫誓掟入雪櫃
【食女食出禍】內地女粉絲爆有四個月BB 黃子恆:一定會負責任
【到底有無生B?】 張栢芝蒲頭包上頸 胞弟張豪龍現身康樂園舉V
【最索星二代】Hilary同媽咪上山詩鈉行街 似姊妹多過母女
【小心女友扭耳仔】歌手曾若華嗒糖扭腰 林德信開門又擔遮
【70年代港姐季軍】美魔女關淑芬 妙法凍齡騷長腿
【前夫謝霆鋒封嘴】驚傳張栢芝 為65歲新加坡富豪誕慈姑椗
早前暴瘦嚇親網友 「E神」陳靜驚青拍新戲
按此閱讀臉書精彩內容

熱爆e+up


載入中…
x