唔俾阿仔鍾意Elsa 楊千嬅認錯:還是忠於他的選擇

Mon Feb 06 2017 16:40:52 GMT+0800 (中國標準時間)

撰文︰Take it e時

要數近期娛樂圈熱話人物,可能非楊千嬅莫屬。新年前先去完鄭中基演唱會做嘉賓,兩日又係自己生日,好友黃偉文更借意大爆當年千嬅感情事㖭。但人紅自然多是非,日前突然被網民翻舊賬,瘋傳佢兩年前嘅受訪片段,當中提及Torres好鍾意卡通片《冰雪奇緣》女主角Elsa,甚至鍾意玩煮飯仔同埋粉紅色,結果俾千嬅鬧到死:「喂,咁會唔會變乸型架?點解成日都玩啲女仔同Princess嘢。」結果咪俾網民狂插係怪獸家長!

▲King姐引用訪問內容。

網絡紅人King姐將受訪內容文字化,指千嬅好抗拒囝囝鍾意女仔玩意。

佢唔玩車架,佢有陣時鍾意Elsa,我鬧到佢成隻野咁呀:『咩嚟架呢隻?咁肉酸!唔准呀!』然後我用apps 將佢張相key 落Elsa 𠴱度,我個仔即刻話『No, mommy no!』跟住我話:『你都知no 呢!』仲係度玩Elsa!

片段一出,千夫所指,大鬧千嬅係怪獸家長,認為佢唔認唔明白小朋友世界,又表示咁樣其實係害佢,有網民指「男仔鐘意Elsa好正常,唔通想個仔鐘意玩阿Ken咩?」至於煮飯仔,有網民認為根本冇問題,又指出「幾多世界級名廚係男人」,根本係千嬅過度緊張。

▲凡事都有兩面,俾阿仔去做自己想做嘅事,效果可能反而更好。

對於俾人翻舊賬,千嬅都留意到,所以尋晚佢即刻出嚟回應,形容自己係新手媽媽,過度緊張,更表示自己已經學識投入阿仔嘅世界,如今唔會再阻止囝囝嘅成長。而千嬅亦就呢次事件向公眾道歉,直言「父母這條路絕對不容易」,但願意一直學習,一起努力。

幸好得到一些客觀的意見,還是忠於他的選擇,更嘗試投入他的世界,終於因為他喜歡Elsa,認識了所有公主系列,培養了閲讀興趣,因為煮飯仔,他學懂造Brownie,今年吃到他親手做給我的蛋糕。

▲因為阿仔鍾意煮嘢食,千嬅先食到阿仔自己整嘅蛋糕。

養兒100歲,長憂99,試問又有邊位家長唔擔心呢?如今見千嬅咁完美化解公關災難,相信網民都會大人不記小人過嘅。

圖片來源:King Jer 娛樂台、yeungchinwah

#楊千嬅#怪獸家長#elsa#煮飯仔#乸型#家長#囝囝#torres#e分鐘

相關文章
志明春嬌世紀合唱 余文樂深情版《突然好想你》
e衫評 薛凱琪衫色撞膚色 上衣唔襯下身
歌詞背後有段故 黃偉文:長島冰茶真有其事
男人幫登台搵銀過肥年 楊千嬅提早過生日
舊愛男神俾面現身 鄭中基演唱會碌盡人情請嘉賓

推介文章
【挑辣星極辣挑戰賽】到底辣王辣后誰屬?
【挑辣星極辣挑戰賽】星級參賽者鬥食辣Laksa辣魚蛋
宣萱 有要求的人
豪宅同居年半 譚凱琪有米男友求婚成功
當張繼聰係菩薩 Bob:抵佢溝到謝安琪
唐詩詠狠斬2年情 踢洪永城7宗罪
專屬情人 林文龍
撬林耀聲牆腳 方力申暗溝張沛樂
科技融入生活 體驗空間美學
同時溝兩港男 陳展鵬新女友雜食
楊明 把握時機
1O1O呈獻:星星美食旅客 -東京中華料理之最高
按此閱讀臉書精彩內容

熱爆e+up


載入中…
x