唔知炒貴刁係辣 食客反投訴餐廳:我小朋友食唔到

Mon Jun 19 2017 13:31:23 GMT+0800 (中國標準時間)

撰文︰Take it e時

曾經有人形容香港係「投訴之都」,皆因遇到小小事就選擇投訴,因而令人覺得大提小做。呢種投訴風氣蔚然成風,甚至轉為網絡公審,希望大家幫忙取回公道。最近有一單「投訴」個案出現,但最後投訴不成反被網民公審返轉頭㖭,因乜解究?咪因為「投訴無理」囉。

▲食客表示叫咗先知係辣。

話說有位食客喺網上投訴,指上個月去咗會展間「港灣茶餐廳」食飯,叫咗碟「福建炒飯」同「炒貴刁」,但上菜時先知原來「炒貴刁」係辣食,而食客嘅小朋友亦食唔到辣,所以要求換一碟「唔辣」。食客表示,佢嘅要求被拒,更反指「傳統係辣食」,最後呢位食客成碟冇食放喺度,仲上網「大讚」呢位員工「夠創新兼訓練有數」!

▲食客不滿員工當時處理手法。

事情仲未完結,會展方面亦有回應呢位食客投訴,指稱「只係為對方介紹炒貴刁做法」,並且「建議將炒貴刁換成魚蛋河」,更為小朋友「送上熱湯或叉燒包」。但食客仍然不滿,更列出幾點「澄清」,反指對方從來冇講過換魚蛋河、對方拒絕換另一食物要求、又指唔係要包類食物。

▲記住炒貴刁係辣的。

網民反應一面倒反插食客,指佢「明明係自己唔睇清楚,咁都可以鬧返人轉頭?」、「人哋都有賠償係你唔受」;網民又「造句」暗寸食客無理投訴:「點解涼瓜炒蛋點解係熱嘅?」、「點解你地個麻辣雞煲係辣架?」、「點解水煮魚唔係清淡而係辣嘅?」

圖片來源:weshare、seefood、小心駕駛(討論別人駕駛態度)

#辣#炒貴刁#食客#投訴#香港#無理#公審#小朋友#e分鐘

相關文章
【回本有凸!$450食八道菜全蟹宴】
【跟住爸爸食麻神】台灣過江龍麻神 開門七件事
【跟住爸爸食麻神】黃浩教路食乜最好
【跟住爸爸食蛋牛治】麻辣蛋牛治 條脷痺咗唔知乜嘢事
娘惹香辣 黃薑煎䱽魚

推介文章
到首爾尋找1++A 級的韓牛
【孖你做瑜伽】瑜伽幫你輕鬆減壓(下)
愛家的男人 黃浩然
放蛇試明星麵 麥包小儀慘敗 牛雜妹完勝
包無投訴 粉紅餐廳
彈弓吊索健身 蘇慧恩飛天收腰
【余此好味】富貴滋補 葱油涼拌蟲草花
【跟住爸爸食麻神】台灣過江龍麻神 開門七件事
祖藍大讚神秘女歌手 原來係杜麗莎大女
【跟住爸爸食麻神】黃浩教路食乜最好
皮膚又痕又乾 中醫教食無花果
燈影蓮藕 伴香煎北海道帶子皇
按此閱讀臉書精彩內容

熱爆e+up


載入中…
x