喊到收唔到聲 那些年我們的經典催淚劇

Sat Nov 05 2016 21:25:38 GMT+0800 (中國標準時間)

撰文︰Take it e時

記唔記得對上一套令你喊嘅電視劇係邊套呢?其實咁多年,無綫某啲劇集嘅情節真係掀動到觀眾嘅心坎,有時真係會忍唔住要喊出嚟!今次就同大家回顧下,之前一啲經典催淚情節,唔知大家當時又有冇喊呢?

《大時代》

神劇《大時代》入面有好多催淚情節,到數到最爆喊呢,一定係劉松仁飾演嘅方進新,俾鄭少秋飾演嘅丁蟹打到智力受創變成廢人,但為咗生活而乞求報紙檔老闆俾多次機會佢,感動到好多人㗎!

▲加上劉松仁演技好,將呢個角色更加突出,喊死啲觀眾。

《烈火雄心2》

仲好記得最尾,由王喜飾演嘅紀德被困火場,臨死都掛住囡囡,仲講「爸爸就嚟收工啦」真係爆喊!

▲當時真係睇到喊出嚟,點解要咁sad!

《衝上雲霄》

當年馬德鐘喺戲入面,因為救一個小女孩,而喺羅馬發生交通意外慘死!嗰時唔少人睇完都話點解會咁㗎!

▲講出嚟可能唔會覺得慘,但追咗咁耐套劇佢突然間死,就會好慘!

《溏心風暴》

爭產劇《溏心風暴》播出嘅時候受到好評,其中一幕講林峯撞車後,不顧自己重傷,都要打電話俾鍾嘉欣教佢打官司,最後更重傷身亡,令唔少觀眾爆淚。

▲受重傷都要打電話俾鍾嘉欣,呢幕真係好經典。

《使徒行者》

劇入面,佘詩曼飾演嘅釘姐有三個阿媽,點知有一次俾黑幫殺死晒,佘詩曼喺醫院嗰場喊戲,真係喊到入觀眾心坎。

▲佘詩曼喊得勁投入,搞到唔少觀眾都喊埋一份。

圖片:網上截圖 、tvb.com

#喊到#收唔到聲#那些年#我們#經典#催淚劇#TakeItE時#熱話

相關文章
喊到張繼聰都受感動 龔嘉欣成功由小三轉型做賢妻
全劇演員爆喊 《一屋》大結局超催淚
年年都要睇一次 那些年香港經典賀歲片
是時候尋回那些年的閨密 五月天新歌MV超催淚
上畫三日過2000萬票房 網民盼《寒戰2》打破《那些年》紀錄

推介文章
【挑辣星極辣挑戰賽】星級參賽者鬥食辣Laksa辣魚蛋
宣萱 有要求的人
豪宅同居年半 譚凱琪有米男友求婚成功
當張繼聰係菩薩 Bob:抵佢溝到謝安琪
唐詩詠狠斬2年情 踢洪永城7宗罪
專屬情人 林文龍
撬林耀聲牆腳 方力申暗溝張沛樂
科技融入生活 體驗空間美學
同時溝兩港男 陳展鵬新女友雜食
楊明 把握時機
1O1O呈獻:星星美食旅客 -東京中華料理之最高
聯名買將軍澳樓 蕭正楠黃翠如同居試婚
按此閱讀臉書精彩內容

熱爆e+up


載入中…
x