四年一覺奧運夢 科索沃、越南奪歷史第一金 

Mon Aug 08 2016 12:56:25 GMT+0800 (中國標準時間)

撰文︰Take it e時

四年一覺奧運夢,每個選手都希望將國旗高掛於大舞台上,揚名立萬,但得獎嘅位置往往只有三個,而最為人記得嘅就只有冠軍,但無論出身運動強國定係弱國,有能者居之,就一定有攀登上頂峰嘅機會,好似以下呢兩位小國出身嘅運動員,突圍而出,一舉成名。

科索沃第一金-女子柔道

喺2014年先獲國際奧會承認為獨立國家嘅科索沃,首度參與奧運比賽,而佢哋尋日亦傳嚟好消息。25歲嘅柔道女將卡文迪(Majlinda Kelmendi)喺女子52公斤級別擊敗意大利選手古菲達(Odette Giuffrida),為科索沃獨立以來第一面奧運金牌,賽後佢表示想用實際行動證明:「即使戰亂後,我們是一個非常小的國家、貧窮落後的國家,但只要內心有想要完成事情的信念,堅持就能做到。」。

▲卡文迪:這是我夢寐以求的金牌,現在終於到手了!

卡文迪過去曾代表阿爾巴尼亞出戰倫敦奧運,但當時在16強止步。點解卡文迪可以轉投代表科索沃?原因在於卡文迪出生於科索沃,但礙於當時科索沃未被認可國家地位,所以佢選擇代表有另一個血統嘅阿爾巴尼亞出戰,直至科索沃地位確立後,合資格嘅運動員可以重新選擇代表國家,因此卡文迪先可以成為科索沃運動員。

▲科索沃人口不足200萬。

越南第一金-男子10米氣手槍賽事

參加多屆奧運嘅越南從未染指奧運金牌,但今次里約奧運終於如願以償。41歲老將黃春榮,喺男子10米氣手槍賽事摘金,為越南贏得國家首面金牌,但成功背後往往有段故事。6年前廣州亞運,黃春榮半隻腳踏上冠軍台,但最後一槍竟然嚴重失準,失落冠軍之餘,連銅牌位置都冇埋;兩年後倫敦奧運,又三甲不入;四年過後,終於得償所願,成為國家英雄。唔好忘記,黃春榮已經41歲,能夠喺呢個歲數圓夢,絕對比任何人來得艱辛困難!

▲6年前失意嘅成為今日嘅奮鬥嘅動力。

只要有能力,小國也能出精英!


#里約#奧林匹克運動會#科索沃#越南#射擊#柔道#冠軍#金牌#小國#黃春榮#卡文迪#TakeItE時#即時

相關文章
24港將征戰里約殘奧 賽事日程搶先睇
獎牌夢碎淚灑賽場 李慧詩:傷口痛我忍到,但心好痛
賽後拖勁敵繞圈 李慧詩出線殺入8強
獨特的採訪技巧 無綫「高質」問題大全
再有泳池變色 尿液係唔係主因?

推介文章
最叻星二代 倫子譚曉風攬女示眾
活在當下 曹永廉
買靜安區5千萬豪宅 城城跟妻女移居上海
西關大少李家鼎 教你中式餐桌禮儀
5億買《壹週刊》玄機 黃浩寄語《壹》員工:不畏強權撐到底
尹光 三少爺的歌
做機防翻脹 苟芸慧明年嫁陸漢洋
【新加坡米芝蓮:一碟油雞 走出世界】
一人食 鹹蛋蒸肉餅
冒險時刻 C AllStar
星星美食旅客特別番外篇:東京遇上意大利(1)
我們的時光 Twins
按此閱讀臉書精彩內容

熱爆e+up


載入中…
x