回到未紅時 嫩口黃宗澤馬國明拍過《創世紀》

Fri Nov 04 2016 14:18:16 GMT+0800 (中國標準時間)

撰文︰Take it e時

好多嘢都要由低做起,藝人都唔例外,好似一班當紅小生花旦,馬國明、黃宗澤、林峰、楊怡等等,當初都係跑龍套出身,後尾演演下先做有名嘅角色、繼而做配角、主角等等。最近有眼利網民就發現,深宵重播嘅神劇「創世紀」當中做緊佈景版或閒角嘅角色,竟然就係現今TVB當家小生花旦,包括林峰、馬國明、黃宗澤等等。

黃宗澤飾演古天樂(張自力)跟班

古天樂喺《創世紀》下場係點,大家都好清楚,但原來黃宗澤喺劇中做古天樂跟班,亦係黑幫槍手,不過戲份有幾多?睇鏡頭影落去嘅角度都略知一二啦,家下就唔同啦,喺8點30嘅《幕後玩家》擔正,一套做主角,一套做路人甲,完全睇晒成過轉變。

▲當年黃宗澤得19歲。

馬國明飾演股票經紀人

馬國明喺劇中飾演羅嘉良同陳錦鴻嘅好朋友Stanley,俾黃宗澤好少少,起碼叫有個名,充其量叫閒角,後尾仲要俾古天樂買兇暗殺㖭,不過睇返馬明當年個樣,原來只得25歲,仲要係喺無綫演出嘅頭幾部劇。

▲除咗髮型唔同之外,馬明個樣依然keep到。

林峰飾演看守所內嘅台灣獄卒

屬於歌影視三棲、兼且紅遍大陸同香港嘅林峰,當年喺劇中飾演看守所內嘅台灣獄卒,同女主角之一嘅郭可盈有對手戲,都有啲對白㗎。

▲林峰女友吳千語話當年佢睇《創世紀》時只有6歲。

楊怡飾演賓客/玩具公司秘書

早幾年拎最佳女主角嘅楊怡,係無綫嘅親生女,初期喺《萬千星輝賀台慶》中擔任歡樂小姐,後尾轉戰拍劇,但多數都係跑龍套,《創世紀》入面仲要一人分飾幾個閒角㖭。

▲當年楊怡呢個樣已經咁靚。

▲楊明(左)正受TVB力捧,陳鍵鋒(右)正喺大陸登台搵食。

劇中嘅跑龍套名單仲有其他熟悉嘅名,例如楊明(飾演記者)、陳鍵鋒(飾演司機)、徐榮、趙永洪、王俊棠等等,但因為真係太路人甲關係就難以有截圖或劇照啦。


#創世紀#跑龍套#黃宗澤#馬國明#楊怡#林峰#楊明#陳鍵鋒#TakeItE時#熱話

相關文章
張繼聰直播唱《天真》 謝安琪:唔好再唱我啲歌!
係真唔係? 傳無綫拍《創世紀》續集攻內地市場
曾跑龍套 被騙30蚊 林夏薇哭說:唔可以冇錢
5大經典扮女人男藝人
加盟邵氏開工作室 黃宗澤公司被力捧上市

推介文章
談談情 說說性 董敏莉
LEGO首創VR過山車 今日有得玩
狗年戀事驚人預測 王菲終嫁霆鋒 陳嘉倩BB竟然……
古天樂陳豪有勁敵 猜Fing講國語冇句聽得明
《溏心3》搞笑!Bosco細31年做司棋姐細佬
網民同推做視帝 王浩信馬明你揀邊個
大人細路爭住玩室內賽車場
【日本賞楓新角度】 鳥取坐滑雪吊車睇秋色
3招健胸操
【撐小店】希望在明天
鄭丹瑞寸麥美恩:麥明詩十優,你久休!
【孖你做瑜伽】 中級雙人背部伸展
按此閱讀臉書精彩內容

熱爆e+up


載入中…
x