型足17年 細數曉治積曼狼人演變史

Sun Mar 05 2017 18:40:00 GMT+0800 (中國標準時間)

撰文︰Take it e時

Marvel電影《盧根》前幾日上映,曉治積曼講到明係佢最後一次飾演狼人,唔少「狼人迷」梗係即刻去戲院捧場。其實由2000年喺《變種特攻》首次登場直到今日,曉治積曼嘅狼人不知不覺間已經陪伴咗我哋17年。咁過去佢演繹過唔同時期嘅狼人,你又最鍾意邊個時期呢?

《變種特攻》《變種特攻2》《變種特攻:兩極爭霸》2000 - 2006年

曉治積曼前期嘅狼人,令人深深感受到角色嘅不凡魅力。佢渾身是勁嘅肌肉加上型到爆嘅外表,完全係集「型、英、帥、靚、正」於一身;何況當時曉治積曼正值壯年,沒法擋嘅男人魅力同衝勁,真係迷倒唔少粉絲㗎~

▲最初嘅狼人連髮型都同今日有細微分別。

《變種特攻:狼人外傳》2009年

逐漸了解自己身世嘅狼人開始要展開復仇大計,曉治積曼今次嘅演出特別暴力。殺人唔手軟嘅獸性「狼死」一面,可能會嚇親斯文乖寶寶,不過對於鍾意動作片嘅人嚟講,呢隻「打到唔停手」嘅狼人絕對係超級型!

▲狼人大開殺戒,一樣咁型。

《狼人:武士激戰》2013年

雖然依舊係動作打鬥連場,但今次電影中大家都見到狼人更多嘅內心世界。點樣面對親人同好友嘅離世、處理心中嘅遺憾同內疚,狼人開始俾觀眾睇到佢感性一面。而戲中狼人亦同唔少女角擦出「愛火花」,女粉絲睇到唔知會唔會好妒忌呢?

▲「阿媽,呢個係我新女朋友……(設計對白)」

《變種特攻:未來同盟戰》2014年

今次盧根要擔大旗做穿越時空嘅任務,有重任喺身嘅佢可能因為「主角光環」加成,無論係意志力定係戰力都爆晒燈。而且戲中佢嘅身材亦都Fit到漏,可以話係完全成熟嘅最佳狀態!

▲連肌肉狀態都好「成熟」……

《盧根》

狼人嚟到「最後一戰」,都開始老喇。復原能力大不如前嘅佢,身體處處可見歲月嘅痕跡,曉治積曼今次演嘅老狼人充滿滄桑感。不過雖然冇以前咁年青威猛,但更人性化嘅一面都好觸動人心。

▲俾人打到咁嘅狼人,真係好少見。

其實喺其他變種特攻系列電影嘅章節,好似《異能第一戰》、《天啟滅世戰》等等狼人都有登場,不過戲份就唔係以佢為主。當然對於粉絲嚟講,都一定要煲返晒嚟重溫下啦~

▲你又會唔會去捧佢「最後一戰」場呢?

圖片來源:Marvel

#狼人#變種特攻#金剛狼#曉治積曼#型男#TakeItE時#熱話

相關文章
曉治積曼為《盧根》後期配音 鬍鬚造型竟是特效?
狼人頹爆 曉治積曼2017「退休」
剃招牌鬚告別狼人 曉治積曼經典重溫
買定爆谷! 2016必睇西片逐套捉
留鬚化身港版狼人 羅莽爆肌加盟「Marvel戰隊」

推介文章
我們的時光 Twins
狠飛太極Ricky 戴夢夢澳門攬佬
舌戰7女星談情說性 黃浩被阿嬌KO
一個人  湯寶如
玩交友App識男仔 麥明詩約俊男high tea
翻新暫別街坊六星期 公和荳品:凡事向好方面看
洗米華大仔周柏豪:同爸爸溝通唔係太多
《警訊》被插拍得浮誇 堅哥反擊:咁係咪佢自己好醒呀?
陳自瑤怨老公少返屋企瞓 王浩信婚姻現暗湧
【挑辣星極辣挑戰賽】到底辣王辣后誰屬?
【挑辣星極辣挑戰賽】星級參賽者鬥食辣Laksa辣魚蛋
宣萱 有要求的人
按此閱讀臉書精彩內容

熱爆e+up


載入中…
x