埋藏29年的秘密 張國榮陪伴骨癌歌迷走過最後日子

Wed Apr 19 2017 16:13:33 GMT+0800 (中國標準時間)

撰文︰Take it e時

每個人心裡面都有不為人知嘅秘密,有人會將呢個秘密藏於心裡一輩子,亦有人到某時段,將呢個秘密公開。最近,聯合醫院分享一個埋藏咗29年嘅秘密,而呢個秘密係關於你同我都認識、亦曾經因為佢而瘋狂著迷嘅人,佢就係哥哥-張國榮。

▲哥哥要求低調處理。

Medic Secrets網上分享聯合醫院出版嘅紀念刊物《一起走過35年》,當中分享29年前,一合病人同哥哥嘅往事。當年任護士長嘅黃潔如表示,88年聯合臨終服務收咗一個19歲男仔(聲仔)。「佢有末期骨癌,癌細胞已擴散至全身,近乎癱瘓,左手要切除,一隻眼亦因此失明,估計佢得番幾個禮拜(壽命)。」當時聲仔表示,臨終願望係見張國榮一面,咁岩港台有個節目叫《夢想成真》,專幫人圓夢,於是護士長試下搵主持車淑梅幫手,結果真係搵到張國榮。

▲哥哥一向好錫歌迷。

當時張國榮係如日方中嘅巨星,面對探病要求,哥哥冇say no,但有條件,就係唔可以俾傳媒知。

一定要低調,唔可以向傳媒披露,唔係宣傳活動。

理論上,哥哥絕對可以把握呢次機會幫自己宣傳,但佢冇咁做到,一切低調處理。

當時我聽到一把很沙的聲音說,''我想探10號病人×××(病人姓名)''」。我一抬頭,看見一個黑黑實實的人。再看,嘩!原來是張國榮!真人好靚仔!只有他一個人來探病,連助手也沒有帶。

▲當年哥哥陪伴患骨癌嘅聲仔。

護士長又形容,當時哥哥真係好有「兄長」感覺,慰問聲仔之餘,又送親筆簽名俾佢,張國榮更答應每日同佢通電話㖭!雖然最後聲仔不敵病魔,但「離世時臉上仍然帶笑容」。

我哋好感謝張國榮,佢畀(俾)咗動力呢個男仔,一直都冇向人宣揚過呢件事,係真正嘅仁者。嗰個禮拜無論療程同病發有幾辛苦,個男仔都可以好樂觀咁面對,佢媽媽話個仔每日有笑容,走嗰陣冇遺憾,而張國榮送嘅物品全部都用作陪葬。

來源:Medic Secrets

#張國榮#哥哥#骨癌#歌迷#e分鐘

相關文章
出專輯向哥哥致敬 古巨基直播深情唱《最愛》
開金口紀念張國榮 古天樂孖基仔唱《當年情》
《英雄本色》有幾經典 90後你知唔知
那些年的經典 「開心少女」羅明珠
網民讚越老越靚 毛舜筠三十年美顏零變化

推介文章
當張繼聰係菩薩 Bob:抵佢溝到謝安琪
唐詩詠狠斬2年情 踢洪永城7宗罪
專屬情人 林文龍
撬林耀聲牆腳 方力申暗溝張沛樂
科技融入生活 體驗空間美學
同時溝兩港男 陳展鵬新女友雜食
楊明 把握時機
1O1O呈獻:星星美食旅客 -東京中華料理之最高
聯名買將軍澳樓 蕭正楠黃翠如同居試婚
1O1O呈獻:星星美食旅客 - 兩大貼地必吃餐廳
汪明荃 不言休
1O1O呈獻:星星美食旅客 -食日本好「西」
按此閱讀臉書精彩內容

熱爆e+up


載入中…
x