夏日熱辣辣好熱好熱 週末消暑好去處

Sat May 14 2016 12:15:37 GMT+0800

撰文︰Take it e時

大家一定聽過:夏日炎炎正好眠。不過呢排咁熱,除非長開冷氣,如果唔係真係瞓覺都會熱醒。更何況難得週末,冇理由浪費個假期喺屋企瞓㗎嘛,不如試下去以下嘅避暑好去處,過返充實嘅一日啦!

海灘

陽光與海灘,一直都係絕配。喺沙灘狂奔然後跳入大海同陽光玩遊戲,喺涼浸浸嘅海水入面游返幾轉,真係諗起都周身舒暢。不過去到現場,發現原來成個海灘都係人海,真係令人懷疑會唔會游兩步就撞到人……你話轉去泳池?一諗起嗰啲浸到暖晒嘅水……算啦好嗎。

▲海灘咁多人,可以點樣游水呢?

踩單車

趁住大家都放假,約埋三五知己去踩下單車,喺涼風下增進彼此友誼,簡直係完美!但當租完單車,你先發覺原來條單車徑已經人山人海,幾乎可以話係逼到密不透風嘅時候,你心中大概都會浮現一個諗法:不如下次再踩過啦。

▲假日嘅單車徑,多人是常識吧~

電影院

夏天出去邊度都係咁熱咁多人,不如轉戰室內啦。買返張戲飛,入戲院涼住冷氣睇下最近啲外國猛片,仲有咩爽得過咁?不過咪住先,戲院出邊條人龍……點解可以長到打晒蛇餅嘅,有冇人可以話俾我聽龍尾喺邊度呀?咩話?午夜場啲飛都賣晒?

▲假日要買到戲飛,最緊要有排隊嘅耐性……

雖然聽落好似好難以置信咁,但事實就係每逢放假,去親邊度都唔知點解總係咁多人。或者,消暑這些機會真係不是屬於我的,都係留返係屋企開冷氣瞓下算啦(阿媽:睇住電費呀衰仔)……順便聽下《夏日熱辣辣》,可能消暑效果會加倍呢~



#假日#夏天#消暑#海灘#單車#電影#假期#好去處#TakeItE時#推介#熱話#影片

相關文章
外傭假日阻街攻陷荃灣 網民:邊個包容我哋?
香港創國際請病假日 射波後有咩搞?
離奇交通事故日 飛車、自焚、司機失蹤?
手殘都識整! 超簡易雪條DIY
日本芭菲大王殺到

推介文章
當張繼聰係菩薩 Bob:抵佢溝到謝安琪
唐詩詠狠斬2年情 踢洪永城7宗罪
專屬情人 林文龍
撬林耀聲牆腳 方力申暗溝張沛樂
科技融入生活 體驗空間美學
同時溝兩港男 陳展鵬新女友雜食
楊明 把握時機
1O1O呈獻:星星美食旅客 -東京中華料理之最高
聯名買將軍澳樓 蕭正楠黃翠如同居試婚
1O1O呈獻:星星美食旅客 - 兩大貼地必吃餐廳
汪明荃 不言休
1O1O呈獻:星星美食旅客 -食日本好「西」
按此閱讀臉書精彩內容

熱爆e+up


載入中…
x